گجرات ( صغیر احمد قمر )ڈسٹرکٹ اینڈ سیشن جج گجرات سید خورشید انور رضوی کا ون ونڈو سہولت سنٹر سیشن کورٹ گجرات کا دورہ، اس موقع پر ایڈیشنل سیشن جج گجرات چوہدری فیاض الحسن، سینئر سول جج گجرات محمد اختر بھنگو ، سینئر ایڈووکیٹ سپریم کورٹ چوہدری فاروق حیدر، محمد نفیس ملک ایڈووکیٹ، سیکرٹری بار گجرات چوہدری عمران طالب ایڈووکیٹ بھی انکے ہمراہ تھے اس موقع پر سیشن جج گجرات سید خورشید انور رضوی نے کہاہے کہ ون ونڈو سہولت سنٹر کا افتتاح آئندہ چند روز میں کردیاجائے گا یہاں سے ضلع گجرات کے تمام تھانہ جات کی FIRکی نقول میسر ہوں گی اسکے علاوہ ڈسٹرکٹ ہیڈ کوارٹر ہسپتال عزیز بھٹی شہید ہسپتال گجرات کی طرف سے جاری کردہ پوسٹمارٹم رپورٹ اور میڈیکل لیگل رپورٹ کی نقول بھی باآسانی مل سکیں گی جبکہ یہ سہولت آن لائن بھی میسر ہوگی اور بالکل فری آف کاسٹ نقول فراہم کی جائیں گی پہلے مرحلے میں گجرات جبکہ انشاء اللہ عنقریب ہی کھاریاں اورسرائے عالمگیر میں بھی سہولت سنٹرکا قیام عمل میں لایاجائے گا۔
