ٹنڈوآدم۔(احسان غوری)۔ٹنڈوآدم شہر کی میواڑ کالونی کے رہائشی عطا محمد سولنگی نے میڈیا کلب ٹنڈوآدم کے سامنے اپنے سالے اور اسکے ساتھیوں کے خلاف احتجاج کیا انہوں نے الزام لگایا کہ تین ماہ قبل میرا سالا جمیل سولنگی اپنے ساتھیوں فیضو سولنگی اور دیگر ساتھیوں سمیت ہمارے گھر آئے اور ہماری غیر موجودگی میں میری بیوی جمیلا کو اپنے ساتھ لیکر گیا گھر سے وہ لوگ میرے گھر سے ایک لاکھ روپئے نقد ایک لاکھ روپئے کے طلائی زیورات تین موبائل فون اور دیگر سامان چرا کر چلے گئے تھے میں اور میرے والد سلیمان سولنگی میری بیوی اور سامان کی واپسی کے لئے مسلسل جاتے رہے مگر میرا سالا ہمیں جھوٹی تسلیاں دیتا رہا مگر اب انہوں نے سامان اور میری بیوی دینے سے انکار کر دیا ہے مجھے اور میرے والد کو دھمکیاں دی جا رہی ہیں انہوں نے کہا کہ حاجی شاہ کے رہائشی فیضو سولنگی کے جرائم پیشہ افراد کے ساتھ تعلقات ہیں اور فیضو سولنگی اور میرا سالا جمیل سولنگی ہمیں اغوا اور قتل کی دھمکیاں دے رہے ہیں انہوں نے میری بیوی اور سامان کی واپسی سے انکار کر دیا ہے انہوں نے سندھ حکومت سے مطالبہ کیا ہے کہ میرے گھر سے چرایا گیا سامان واپس دلایا جائے اور ہمیں تحفظ دیا جائے
