دونوں ٹیموں میں پہلے ہاف میں مقابلہ بغیر کسی گول کے برابر رہا ، جیانگ ژو نے دوسرے ہاف میں دو گول کر کے کامیابی اپنے نام کر لی
بیجنگ:چائنا پریمیئر فٹبال لیگ میں جیانگ ژو کلب نے حریف ایور گرینڈ کو صفر کے مقابلے میں دو گول سے شکست دے دی ۔ چائنا پریمیئر فٹبال لیگ کے سنسنی خیز مقابلے جاری ، ایونٹ میں مزید دو میچوں کا فیصلہ ہوگیا ۔ جیانگ ژو اور ایور گرینڈ کلب ہوئے مدمقابل ۔ دونوں ٹیموں کا پہلے ہاف میں مقابلہ 0-0 سے برابر رہا ۔ دوسرے ہاف میں جیانگ ژو نے دفاعی چیمپئن ایور گرینڈ کے خلاف 2 گول کرکے میچ اپنے نام کرلیا ۔ ایک اور میچ میں ہیبی فورچون اور ہینگزو کلب میں مقابلہ ہوا ۔ دونوں ٹیموں نے ایک دوسرے کے گول پوسٹ پر تابڑ توڑ حملے کئے ۔ امپائر کی وسل پر جب کھیل ختم ہوا تو دونوں ٹیمیں گول سے محروم تھیں ۔ اس طرح یہ میچ 0-0 سے برابر رہا ۔
