مفتی منیب الرحمٰن نے اعلان کیا ہے کہ اس سال صدقہ فطر اور فدیے کی کم از کم شرح 100 روپے فی کس ہے
اسلام آباد (یس اُردو) مفتی منیب الرحمان نے صدقہ فطر اور فدیے کی کم از کم شرح کا اعلان کر دیا۔ جس کے مطابق گندم کی قیمت کے لحاظ سے فطرہ 100 روپے ہے۔ جو کی قیمت سے 320 روپے، کھجورکی قیمت سے 1600 روپے اور کشمش کی قیمت سے 1600 روپے ہے ۔فدیہ صوم 30 یوم گندم قیمت سے 3000 روپے ہے ۔ جو کی قیمت 9600 روپے، کھجورکی قیمت 48000 روپے اور کشمش کی قمیت سے 48000 روپے ہے ۔کفارہ صوم برآئے ساٹھ مساکین گندم قیمت 6000 روپے، جو کی قیمت 19200 روپے، کھجورکی قیمت 96000 اور کشمش کی قیمت سے 96000 روپے ہے ۔کفارہ قسم گندم قیمت 1000 روپے، جو قیمت 3200 روپے، کھجورقیمت 16000 روپے اور کشمش قیمت سے 16000 روپے ہے۔ مفتی منیب الرحمٰن کے مطابق یہ فطرہ ، فدیہ اور کفارات کی کم از کم مقدار ہے ۔
