مبئی (یس ڈیسک) بالی ووڈ نگری میں ابھرتے ہوئے اداکار ایوش مان کھرانہ اپنی کامیابیوں سے خوش ہیں اور امید ظاہر کر رہے ہیں کہ آئندہ فلموں میں نئی کرداروں کے ساتھ اسکرین پر نظر آئیں گے۔
ایک تقریب میں میڈیا سے گفتگو کرتے ہوئے ایوش کھرانہ کا کہنا تھا کہ اپنی غلطیوں سے سیکھنے کی کوشش کر تا ہوں، ماضی میں چند فلموں میں کردار اچھے نہیں ملے لیکن ان سے سیکھنے کا بہت موقع ملا اور غلطیوں سے سیکھتے ہوئے آئندہ فلموں میں کردار منتخب کرنے کے معاملے میں محتاط ہوگیا ہوں۔ انہوں نے کہا کہ مضبوط اسکرپٹ کے حامل کردار ترجیح ہیں اور فلم ’’دم لگا کے ہائیشہ‘‘ میں بھی اچھا کردار ملا جس کی کامیابی پر بہت خوش ہوں۔
واضح رہے کہ ایوش مان کھرانہ کی حال میں ریلیز ہونے والی فلم ’’دم لگا کے ہائیشہ‘‘ کی کامیابی نے ایوش مان کے قدم بالی ووڈ میں مضبوط کرنے میں اہم کردار ادا کیا ہے جب کہ فلم نے ایوش مان کی مقابل اداکارہ بھومی پدنیکر کو بھی بالی ووڈ میں شناخت دی ہے۔
