اسلام آباد: وزیراعظم عمران خان نے کہا ہے کہ سی ڈی اے پلاٹوں کی نیلامی انتہائی کامیاب رہی، نیلامی سے تاریخ میں سب سے زیادہ 11 ارب 28 کروڑ روپے ملے۔وزیراعظم عمران خان نے سماجی رابطے کی ویب سائٹ ٹوئٹر پر اپنے ٹوئٹ میں کہا ہے کہ سی ڈی اے پلاٹوں کی نیلامی انتہائی کامیاب رہی، نیلامی سے تاریخ میں سب سے زیادہ 11 ارب 28 کروڑ روپے ملے، انہوں نے کہا کہ پلاٹس کی تاریخی نیلامی 2 اہم چیزوں کی نشاندہی کرتی ہے، نیلامی مستقبل کی معیشت پر اعتماد کی مظہر ہے اور یہ بھی ثابت ہوتاہے ماضی میں کرپشن کے ذریعے کتنی رقم ضائع کی گئی۔
جبکہ دوسری جانب وفاقی وزیر خزانہ اسد عمر کا کہنا ہے کہ آئی ایم ایف کے ساتھ پرواگرام جلد مکمل ہوجائیں گے تاہم اب آئی ایم ایف کی جانب سے والے مطالبات کے بارے میں انتہائی اہم انکشاف ہوا ہے جسے سن کر عوام کے پیسنے چھوٹ جائیں گے۔ نجی ٹی وی دنیا نیوز نے دعویٰ کیا ہے کہ قرض پروگرام میں پاکستان کو آئی ایم ایف کی انتہائی کڑی شرائط کا سامنا کرنا پڑ رہاہے، آئی ایم ایف نے ٹیکس آمدن بڑھانے کیلئے سخت اقدامات، ٹیکس ہدف 5 ہزارارب روپے سے زیادہ رکھنے کا مطالبہ کیا ہے۔اس کے علاوہ آئی ایم ایف کی جانب سے انکم ٹیکس کی 90 ارب روپے کی چھوٹ ختم کرنے، تنخواہ دار طبقے کیلئے ٹیکس چھوٹ ختم کرنے ، ٹیکس چھوٹ سالانہ 12 لاکھ سے کم کرکے 4 لاکھ پرلائی لانے ، بجلی اورگیس کے نقصانات کم کرنے کا مطالبہ کیا گیا ہے۔
نجی ٹی وی کا کہنا تھا کہ آئی ایم ایف کا وفد آئندہ چند ہفتے میں پاکستان آئے گا تاہم ان کی جانب سے یہ بھی مطالبہ کیا گیاہ ے کہ حکومت نیپرا اور اوگرا کے فیصلوں میں مداخلت نہ کرے ، بجلی اور گیس کے 140 ارب کے واجبات عوام سے وصول کرے اور سٹیٹ بینک کو خود مختار بنائے اور ڈالر کی قدر سے متعلق سٹیٹ بینک خود مختار فیصلہ کرے۔
