کیچ کے علاقے مند میں ایف سی کا سرچ آپریشن کے دوران فائرنگ کے تبادلے میں ایک شرپسند ہلاک، جبکہ شرپسندوں کی فائرنگ سے ایف سی اہلکار زخمی ہوگیا ہے۔
ایف سی نے 10مشتبہ افراد کو گرفتار کرکے بھاری مقدار میں اسلحہ گولہ بارود بھی برآمد کرلیا ہے۔ ترجمان ایف سی کے مطابق ایف سی اور حساس اداروں نے شرپسندوں کی موجودگی کی اطلاع پر مند کے نواحی علاقے کوہار میں سرچ آپریشن کیا ہے۔
اس دوران شرپسندوں کی فائرنگ سے ایک ایف سی اہلکار زخمی ہوگیا، فائرنگ کے تبادلے میں کالعدم تنظیم سے تعلق رکھنے والا ایک شر پسند بھی ہلاک ہوگیا ہے۔
ایف سی نے آپریشن کے دوران کالعدم تنظیم سے تعلق کے شبہ میں 10مشتبہ افراد کو گرفتار کرلیا ہے۔ کارروائی کے دوران بھاری مقدار میں اسلحہ گولہ بارود اور ریاست مخالف لیٹریچر بھی برآمد کرلیا ہے
