واشنگٹن (ویب ڈیسک) سپر پاور امریکا نے چین کے لئے تہلکہ خیز قدم اٹھاتے ہوئے امریکی حکومت نے چینی شہریوں پر ویزا پابندیوں کا اعلان کردیا، میڈیا رپورٹس کے مطابق امریکی وزیر خارجہ مائیک پومپیو نے سماجی رابطے کی ویب سائٹ ٹوئٹر پر اپنے ایک ٹوئٹ پر چین کے لئے ویزوں پر پابندیوں کا اعلانکرتے ہوئے کہا ہے کہ چینی حکومت اور کمیونسٹ پارٹی کے بعض عہدیداروں پر ویزا حاصل کرنے کی پابندی کر دی گئی ہے ۔ دوسری طرف امریکا کی جانب سے چین میں مسلمانوں سے بدسلوکی اور ناروائی کے شک پر چین کی 28 کمپنیوں کو بھی بلیک لسٹ کردیا۔ امریکا کے اس اقدام پر چین نے اپنے شدید تحفظات اور ردعمل کا اظہار کرتے ہوئے اسے چین کے اندرونی معاملات میں مداخلت اور عالمی تعلقات کے بنیادی اصولوں کی خلاف ورزی قرار دیا ہے۔اے ایف پی کے مطابق امریکی محکمہ خزانہ نے آئندہ پیر کو چین کی کمپنیوں کو بلیک لسٹ کرنے کا عندیہ دیا ہے ، صر یہی نہیں بلکہ اس اعلان کے بعد یہ کمپنیاں وفاقی حکومت کی منظوری کے بغیر امریکی کمپنیوں سے مصنوعات کے خرید و فروخت کے لیے بھی پابند ہوں گئیں۔ سیکریٹری خزانہ ولبور روزکا کہنا ہے کہ امریکہ چین میں اقلیتوں پر ہونے والی بدسلوکی کو نہ تو برداشت کر سکتا ہے اور نہ اسے برداشت کرے گا۔ تازہ ترین اطلاعات کے مطابق امریکہ نے جن چینی کمپنیوں پر پابندی عائد کی ہے ان میں نگرانی کے آلات بنانے والی کمپنی ہک ویژن، مصنوعی ذہانت کی کمپنیاں میگوی ٹیکنالوجی اور سینس ٹائمز جیسی کمپنیز کے نام سر فہرست ہیں ۔
