کراچی (یس ڈیسک) ایم کیو ایم کے قائد الطاف حسین کا کہنا ہے کہ حضور پاک صلی اللہ علیہ وآلہ وسلم کا ذکر اللہ نے بلند کیا ہے، گستاخانہ خانے بنانے والے نیچا نہیں کر سکتے۔ ان خیالات کا اظہار انہوں نے جناح گرائونڈ عزیز آباد میں محفل میلاد سے ٹیلیفونک خطاب میں کیا۔ایم کیو ایم رابطہ کمیٹی کے تحت جناح گرائونڈ عزیز آباد میں محفل میلاد منعقد کی گئی۔
محفل میلاد میں مشہور و معروف شعرا، نعت خوانوں اور قوالوں نے اپنے کلام سے حاضرین کو نوازا، میلاد میں مرد، خواتین اور بچوں کی بڑی تعداد نے شرکت کی۔محفل میلاد سے ایم کیو ایم کے قائد الطاف حسین نے ٹیلی فونک خطاب کہا کہ سرکار دو عالم صرف مسلمانوں کے لئے نہیں غیر مسلموں کے لئے بھی رحمت ہیں۔ محفل کے اختتام پر محفل سماع منعقد ہوئی، اس موقع پر سیکیورٹی کے بھی سخت انتظامات کئے گئے تھے۔
