کوآرڈینیشن کمیٹی کا اجلاس طلب، قمر زمان کائرہ صدارت اور ندیم افضل چن سیکرٹری کے عہدے کیلئے فیورٹ قرار
لاہور (یس اردو نیوز) پاکستان پیپلزپارٹی کے چیئرمین بلاول بھٹو آج وسطی پنجاب کی تنظیم کا حتمی اعلان کریں گے۔ اس ضمن میں پیپلزپارٹی وسطی پنجاب کی کوآرڈینشن کمیٹی کا اجلاس بلاول ہائوس لاہور میں دوپہر ایک بجے طلب کر لیا گیا ہے۔
وسطی پنجاب کی صدارت کے لیے قمر زمان کائرہ اور ندیم افضل چن کو جنرل سیکرٹری کے لئے فیورٹ قرار دیا جا رہا ہے۔
صدارت کے مقابلے میں رانا فاروق سعید، راجہ پرویز اشرف کے نام بھی کوآرڈینشن کمیٹی نے تجویز کیے ہیں تاہم راجہ پرویز اشرف وسطی پنجاب کی صدارت کے منصب کے لئے معذرت کر چکے ہیں جبکہ جنرل سیکرٹری کے لئے چوہدری منظور، حسن مرتضی اور آصف خان کے نام بھی کمیٹی کی جانب سے تجویز کیے گئے ہیں۔
