اسلام آباد( مانیٹرنگ ڈیسک) حال ہی میں پاکستان پیپلز پارٹی کے چیئرمین کی شادی کی بحث چل رہی ہے، آصف زرداری بھی اشاروں میں کہہ چکے ہیں کہ وہ اب بلاول بھٹو کی شادی چاہتے ہیں، اور سیاست سے کنارہ کشی کرکے پوتے پوتیوں کے ساتھ وقت گزارنا چاہتے ہیں، لیکن پاکستانیوں کے ذہنوں میں اس حوالے سے ایک ہی سوال آتا ہے کہ بلاول بھٹو آخر شادی کریں گے کس سے؟ تاہم یہ معاملہ بھی کھل کر سامنے آگیا ہے۔ تفصیلات کے مطابق نجی ٹی وی چینل کے پروگرام میں گفتگو کرتے ہوئے سینئر اینکر پرسن نے سوال کیا کہ پاکستان تحریک انصاف کا یہ خاصہ نہیں کہ وہ لوگوں کو خریدے جس پر تبصرہ کرتے ہوئے عامر لیاقت حسین کا کہنا تھا کہ اب بکھرے بالوں کے ساتھ تو بلاول بھٹو چیئرمین سینیٹ کو تبدیل کر نہیں پائیں گے، انہوں نے حاصل بزنجو کا نام کیوں سامنے لایا گیا ہے، انکو چاہیئے کہ بال وال کٹوائیں اور شادی کی تیاری کریں اب تو لڑکی نے بھی ہاں کر دی ہے۔ جس پر جوابب دیتے ہوئے پروگرام کے ہوسٹ نے کہا کہ یہ معامملہ میرے سامنے بھی آیا ہے کہ بلاول بھٹو کے لیے لڑکی نے ہاں کر دی ہے اور معاملات آگے بڑھائے جارہے ہیں۔ جس پر عامر لیاقت نے کہا کہ ظاہر ہے لڑکی نے ہاں کی ہے تو ہی شادی کی بات چل رہی ہے نہ ورنہ کسی کا لڑکا کنواہ رہ جاتا ۔ خیال رہے کہ اپوزیشن کی جانب سے چیئرمین سینیٹ کی تبدیلی کے لیے سر توڑ کوششیں کی جارہی ہیں، اپوزیشن اتحاد کے لیے حاصل بزنجو کا نام فائنل کیا گیا ہے جبکہ گزشتہ روز سینیٹر شبلی فراز اور وزیر اعلیٰ بلوچستان جام کمال کی بھی اسی سلسلے میں مولانا فضل الرحمان سے ملاقا ت ہوئی تھی، ملاقات میں مولانہ سے درخواست کی گئی کہ سینیٹ انتخابات میں ووٹ انکے امیدوار کو دیا جائے ۔
