وزیر اعظم کی تاجکستان پہنچنے پر نیوز کانفرنس ، گارڈ آف آنر پیش کیا گیا ، تاجک کابینہ کے ارکان سے ملاقات بھی کی
اسلام آباد: وزیر اعظم نواز شریف دو روزہ دورے پر تاجکستان پہنچ گئے، دوشنبے میں استقبالیہ تقریب میں وزیر اعظم نواز شریف کو گارڈ آف آنر پیش کیا گیا۔ مشترکہ نیوز کانفرنس میں انہوں نے کہا علاقائی اور عالمی مسائل مذاکرات کے ذریعے حل ہونے پر یقین رکھتے ہیں۔ وزیر اعظم نواز شریف کا دو روزہ دورہ تاجکستان میں دوشنبے ائرپورٹ پر تاجک وزیر اعظم نے استقبال کیا۔
وزیر اعظم نواز شریف صدارتی محل پہنچے جہاں ان کے اعزاز میں استقبالیہ تقریب ہوئی ۔ تقریب میں وزیر اعظم نواز شریف کو تاجک صدر امام علی رحمان نے خوش آمدید کہا ۔ اس موقع پر تاجک فوج کی جانب سے سلامی پیش کی گئی ۔ دونوں ملکوں کے قومی ترانے بھی بجائے گئے۔ وزیر اعظم نواز شریف نے گارڈ آف آنر کا معائنہ بھی کیا ۔ تاجک صدر نے کابینہ کے اراکین سے ملاقات بھی کرائی ۔ تاجک صدر کے ساتھ مشترکہ پریس کانفرنس میں وزیر اعظم نواز شریف نے دونوں ملکوں کی 25 ویں سالگرہ پر مبارکباد دی ۔ انہوں نے کہا علاقائی اور عالمی مسائل مذاکرات کے ذریعے حل ہونے پر یقین رکھتے ہیں ۔ وزیر اعظم نواز شریف کے دو روزہ دورے کے دوران مختلف معاہدوں پر دستخط بھی کئے جائیں گے۔
