ممبئی(ویب ڈیسک)پریانکا چوپڑا اور نک جونز جلد ہی شادی کے بندھن میں بندھنے جارہے ہیں اور اس کی تقریبا ت کا آغاز 29 نومبر سے ہونے جارہاہے جبکہ اداکارہ کے گھر کو برقی قمقموں سے سجا بھی دیا گیا ہے ۔جوڑے نے اپنی شادی پر کروڑوں روپے بھی خرچ کرنے کی تیاری مکمل کر لی ہے ۔
تفصیلات کے مطابق پریانکا چوپڑا اور نک جونز نے شادی کیلئے جودھ پور میں واقع امید بھوان پیلس بک کروا لیا ہے جس کا پانچ دن کا خرچ مجموعی طور پر تین کروڑ روپے ہو گا جبکہ اس کے علاوہ دیگر تقاریب اور سجاوٹ کا تخمینہ ایک کروڑ روپے لگایا گیا ہے اور اس طرح پوری شادی پر چار کروڑ سے زائد کی رقم خرچ کیے جانے کا امکان ہے ۔
جودھ پور پیلس میں شادی کی تقریبات دو اور تین دسمبر کو ہوں گی جبکہ مہندی کی رسم سے تقریبات کا آغاز 29 نومبر سے ہو جائے گا ۔اور محل کی بکنگ بھی 29 سے تین دسمبر تک کروائی گئ ہے ۔جس میں 64 لگژری کمرے اور سوئٹس ہیں۔ہوٹل کے ایک کمرے کی ایک رات کا کرایہ 47 ہزار روپے سے زائد اور لگژری سوئٹس کا کرایہ 65 ہزار روپے سے زائد ہے جب کہ کچھ کمروں کا ایک رات کا کرایہ لاکھوں میں ہے۔
شادی سے قبل پریانکا چوپڑا کے گھرپر کیا کام شروع ہو گیا اور وہ تقریبات پر کتنے کروڑ روپے خر چ کر رہی ہیں ؟ سن کر آپ بھی سکتے میں آجائیں گے
