بارسلونا(نمائندہ خصوصی)بارسلونا میں مقیم افراد فراڈ کے ایک نئے طریقے سے لٹنے لگے۔تفصیلات کے مطابق بارسلونا میں مقیم مالک مکان اور اس مکان میں مقیم افراد فراڈ کےایک نئے طریقے سے لٹنے لگے،اس طریقہ واردات سے اب تک کئی پاکستان لٹ چکے ہیں۔نئے طریقہ واردات میں ایک پاکستانی نوجوان اپنا نام کہیں خرم ،کہیں خرم احمد اور کہیں خرم عامر بتاتا ہے اور اپنا تعلق لالہ موسیٰ کے گاؤں گل یا گلاں سے بتاتا ہے اور کرایہ دار کے روپ میں آتا ہے اور کہتا ہے کہ وہ جہاں پہلے مقیم تھاوہاں پر فیملی آگئی ہے لہذا اب اسے رہائش کی ضرورت ہے اور کہتا ہے کہ وہ ایک ریسٹورنٹ میں کام کرتا ہے۔پاکستانی اعتماد کرکے اسے گھر میں رکھ لیتے ہیں اور وہ کہتا ہے کہ وہ سامان کل لیکر آئیگا اور گھر میں بے تکلفانہ ماحول میں لوگوں سے ملتا جلتا اور گپ شپ لگاتا ہے اور اسی دوران موقع پاکر گھر میں لٹکے کپڑوں کی تلاشی کے بعد رقم اور موبائلز،لیپ ٹاپ اور دیگر قیمتی اشیاء اٹھا کر رفو چکر ہوجاتا ہے۔خرم نامی فراڈیااب تک کئی پاکستانیوں کو اپنی واردات کا نشانہ بنا چکا ہے اور ایک گھر میں اس نے الماری توڑ کر ایک ایسے پاکستانی کو قیمتی سامان سے محروم کردیا جو ایک دوروز میں پاکستان اپنی فیملی سے ملنے کیلئے روانہ ہونا چاہتا تھا۔اس گھر سے یہ شخص فون ،لیپ ٹاپ ،پندرہ سو یوروزلیکر رفو چکر ہوا ہے۔اب تک یہ شخص بادالونا،بسوس اور ہسپتیالیت میں اپنی وارداتیں کرچکا ہے۔متاثرین نے اس فرد کے طریق واردات سے بچنے اور اس کی اطلاع کی اپیل کی ہے۔اگر کسی شخص کے بارے میں کسی کو علم ہوتو وہ ان فون نمبرز پرمتعلقہ افراد کو اطلاع کرے،حافظ احمد خان ہسپتالیت640500925 اورمحمد آصف 640500925۔
