اسلام آباد (ویب ڈیسک) سابق وزیراعظم نواز شریف کی اہلیہ بیگم کلثوم نواز لندن کے ہارلے سٹریٹ کلینک میں انتقال کر گئی ہیں اور اس بابت ان کے بیٹوں نے تصدیق کرتے ہوئے میت پاکستان لانے کا فیصلہ کر لیا ہے۔ نواز شریف اور مریم نواز کو کلثوم نواز کے انتقال کی خبر دے دی گئی ۔
نواز شریف تھوڑی دیر بعد اپنے بیٹوں کے فون پر مشاورت کریں گے ۔ مریم نواز اور کیپٹن صفدر اڈیالہ جیل میں پی ٹی وی نیوز پر تمام خبریں دیکھ رہے ہیں ۔ نجی ٹی وی دنیا نیوز کے مطابق شہباز شریف کا کہنا ہے کہ ان کا اڈیالہ جیل میں نواز شریف کیساتھ رابطہ ہوا ہے اور انہیں خبر دیدی گئی ہے تاہم اس پر انہوں نے کیا ردعمل دیا اس حوالے سے کچھ نہیں بتایا جا رہا البتہ یہ ضرور بتایا جا رہا ہے کہ جیل حکام نے خبر ملنے کے بعد نواز شریف، مریم نواز اور کیپٹن (ر) صفدر کو ایک ہی کمرے میں اکٹھا کر دیا۔ جبکہ دوسری جانب نواز شریف کی اہلیہ بیگم کلثوم نوازآخر وقت تک نوازشریف اور بیٹی مریم نواز شریف کے بارے میں لا علم تھیں کہ وہ دونوں جیل میں ہیں۔نجی ٹی وی چینل جیو نیوز کے مطابق حسین نواز نے انتقال کی تصدیق کرتے ہوئے ان کی مغفرت کیلئے دعا کی اپیل کی ہے ،حسین نوا ز نے انکشاف کیا کہ بیگم کلثوم نواز اپنے شوہر اور بیٹی کے بارے میں لاعلم تھیں کہ وہ دونوں جیل میں ہیں۔حسین نواز کا کہنا ہے کہ جب سے ان کو ہوش آیا تھاوہ اشاروں میں بات کرنے کے قابل ہوگئی تھیں، وہ اکثر مریم نواز اور نواز شریف کے بارے میں پوچھا کرتی تھیں اور کہتی تھیں کہ وہ بات کیوں نہیں کرتی ، گزشتہ روز بھی والدہ نے نواز شریف اور مریم نواز شریف کے بارے میں پوچھا تھا۔
اڈیالہ جیل : نواز شریف اور مریم نواز کو بیگم کلثوم نواز کے انتقال کی خبر دے دی گئی یا نہیں ؟
