فلم نے پہلے ہی ہفتے میں بھارت سے 73 کروڑ66 لاکھ کی کمائی کرلی، فوٹو؛ تشہیری پوسٹر

ممبئی: بالی ووڈ کے نوجوان اداکاروں کی جوڑی ورون دھون اور عالیہ بھٹ کی تیسری فلم ’’بدری ناتھ کی دُلہنیا‘‘ بھی باکسآفس پر چھاگئی جس نے اب تک دنیا بھر میں 1000 کروڑ سے زائد کما لیے ہیں۔

ورون دھون اور عالیہ بھٹ نے ایک ہی فلم ’’اسٹوڈنٹ آف دی ایئر‘‘سے فلمی کیرئیر کا آغاز کیا اور خوب شہرت حاصل کی جب کہ دونوں اداکاروں کی جوڑی نے بلاک بسٹر فلموں میں اداکاری کے جوہر دکھائے لیکن اب نوجوان جوڑی کی ایک اورفلم کامیاب ہوگئی ہے۔

پروڈیوسرکرن جوہر کی فلم ’’بدری ناتھ کی دلہنیا‘‘ میں بالی ووڈ اسٹارز ورون دھون اورعالیہ بھٹ نے مرکزی کردار ادا کیا اور فلمباکس آفس پر بھی کامیابیاں سمیٹ رہی ہے جب کہ فلم 355 کروڑ کے مجموعی بجٹ سے تیار کی گئی ہے لیکن اس نے بھارت سمیت دنیا بھر میں مجموعی طور پر 120 کروڑ سے زائد کا بزنس کرلیا ہے۔

فلم نے پہلے ہی ہفتے میں بھارت سے 73 کروڑ 66 لاکھ کی کمائی کی ہے جس کے بعد فلمی پنڈتوں نے بھی فلم کو باکس آفس پر سپر ہٹ قرار دیا ہے۔