لالہ موسیٰ(جمیل احمدطاہر) مقامی کاروباری شخصیت کے بیٹے کا اغواء کے بعدقتل کا ڈراپ سین،قتل کی وجہ قیمتی موبائل بنا،موبائل فون چھیننے میں ناکامی پرقتل کیا،ملزم گرفتار ، اس سلسلہ میں ملنے والی اطلاعات کے مطابق جمعرات اور جمعہ کی درمیانی شب کمیٹی روڈ لالہ موسیٰ کے رہائشی سیٹھ ذوالفقارگل کے بیٹے سیٹھ محمداویس کے قتل کی وجہ قیمتی موبائل فون بتایاجاتاہے ،پولیس ذرائع کے مطابق مقتول سیٹھ اویس گھرسے بوتل لینے نکلاتو باہرسے اس کادوست فیضان ولدہارون اسے بہانے سے گھرلے گیا،جہاں پرفیضان کے ایک پرویزنامی ساتھی نے سیٹھ اویس سے قیمتی موبائل فون چھیننے کی کوشش کی ناکامی پرکلاشنکوف کا برسٹ ماردیا،سیٹھ اویس کے شورمچانے پر ملزمان نے اس کے سرفائرماراجس سے وہ دم توڑگیا،بعدازاں ملزمان اس کی نعش کو بوری میں بندکرکے رکھ پبی سرکارپھینک آئے ،ایس ایچ او تھانہ صدرلالہ موسیٰ شفقت بٹ اور ملک خادم سب انسپکٹرپرمشتمل انویسٹی گیشن ٹیم نے فیضان اور اس کے والدہارون کو حراست میں لے کر تفتیش شروع کردی ہے ،یادرہے کہ مقتول اپنے چاربہن بھائیوں میں تیسرے نمبرپرتھا۔
