کینگروز نے مقررہ پچاس اوورز میں نو وکٹوں کے نقصان پر دو سو ستر رنز اسکور کیے، جواب میں ویسٹ انڈیز کی پوری ٹیم پینتالیس اعشارئیہ چار اوورز میں دو سو بارہ رنز ہی بنا سکی
برِج ٹاؤن (یس اُردو) آسٹریلیا نے سہ ملکی کرکٹ سیریز کے فائنل میں ویسٹ انڈیز کو اٹھاون رنز سے ہرا کر ٹرافی پر قبضہ جما لیا ہے ۔برِج ٹاؤن میں کھیلے گئے فیصلہ کن میچ میں میزبان ٹیم آسٹریلیا نے ٹاس جیت کر پہلے بیٹنگ کا فیصلہ کیا جو درست ثابت ہوا ۔ کینگروز نے مقررہ پچاس اوورز میں نو وکٹوں کے نقصان پر دو سو ستر رنز اسکور بورڈ کی زینت بنائے ۔ میزبان ٹیم کے بیٹسمین میتھیو ویڈ ستاون رنز کی اننگز کھیل کر نا قابل شکست رہے ۔ جواب میں ویسٹ انڈیز کی پوری ٹیم پینتالیس اعشارئیہ چار اوورز میں دو سو بارہ رنز ہی بنا سکی ۔ آسٹریلیا کے فاسٹ بولر جوش ہیزل وڈ پانچ وکٹیں لے کر سرفہرست رہے۔
