بینڈ باجا بجانے سے منع کرنے ہر باراتیوں پر ڈنڈوں سوٹوں اور بیلچوں سے حملہ

گجرات(مرزا خرم حسنین)بینڈ باجا بجانے سے منع کرنے ہر میرج ہال مالک کا اپنے 18ساتھیوں سمیت باراتیوں پر ڈنڈوں سوٹوں اور بیلچوں سے حملہ باراتیوں پر فائرنگ باراتیوں نے کمروں اور میزوں کے نیچے چھپ کر اپنی جانیں بچائیں تھانہ کنجاہ پولیس نے میرج ہال مالک سمیت 5افراد کو گرفتار کر کے 18افراد پر مقدمہ درج کر لیا تفصیل کے مطابق تحصیل ملکوال ضلع منڈی بہاوالدین سے محمو رضوان کی بارات جامبولہ نذر حسین وڑائچ کے گھر آئی جس کیلئے بارات کی تواضع کا اہتمام مقامی میرج ہال منگووال میں کیا گیا تھا میرج ہال پر جب بارات پہنچی تو میرج ہال کے مالک نے بینڈ اور باجے بجانے سے منع کرنے پر میرج ہال انتظامیہ او باراتیوں میں لڑائی شروع ہو گئی جس پر میرج ہال کے مالک سابق ٹگٹ ہولڈر برائے صوبائی اسمبلی چوہدری طاہر محمود وڑائچ نے اپنے دیگر ساتھیوں کے ہمراہ بارات پر ڈنڈوں سوٹوں اور بیلچوں سمیت حملہ کر دیا اور بعد میں فائرنگ شروع کر دی جس پر باراتیوں نے میزوں کے نیچے چھپ کر اپنی جان بچائی باراتیوں پر تشدد کرنے اور ان پر فائرنگ کرنے کے جرم میں پولیس نے میرج پال مالک سمیت پانچ افراد کو گرفتار کر کے بارہ افراد پر مقدمہ درج کر کے تفتیش شروع کردی۔