چین میں مشترکہ اعلامیہ میں ن لیگ کی تعریف نے حکومتی ہرزہ سرائی کی قلعی کھول دی، اصغر خان
پیرس(نمائندہ خصوصی) پاکستان مسلم لیگ ن (یوتھ ونگ)فرانس کے صدر اصغر خان نے کہا ہے کہ مسلم لیگ ن کے خلاف حکومتی ہرزہ سرائی کے غبارے سے بیجنگ کانفرنس کے مشترکہ اعلامیے نے ہوا نکال دی ہے۔ کرپشن کو پکڑنے اور اس کے خلاف اقدامات کے بلند و بانگ دعوے کرنے والوں کے سامنے چینی حکومت نے بیجنگ کانفرنس کے مشترکہ اعلامیہ میں ن لیگ دور کے سی پیک کے تحت لگائے گئے بجلی منصوبوں کی تعریفوں کے پل باندھ دیے ۔
ان کا مزید کہنا تھا کہ پاکستان کی خدمت کرنے کا صلہ مسلم لیگی قیادت کو بد ترین انتقام کا نشانہ بنا کر دیا جارہا ہے۔ جب کہ بین الاقوامی فورمز جانتے ہیں پاکستان ن لیگ کے دور میں غیر معمولی ترقی کر رہا تھا اور تاریخی منصوبے لگائے گئے جو کہ ایک ریکارڈ ہے۔
