ایران میں ایک دن میں کرونا وائرس کا شکار 54 افراد زندگی کی بازی ہار گئے، جاں بحق افراد کی تعداد 291 ہو گئے۔ تفصیلات کے مطابق آج ایران میں کرونا وائرس کے باعث سب سے زیادہ 54 افراد کی ہلاکتیں ریکارڈ کی گئیں۔ ترجمان وزارت صحت کی جانب سے لائیو پریس کانفرنس کے دوران کہا گیا ہے
کہ ایران میں کرونا وائرس سے ہلاکتوں کی تعداد میں 18 فیصد اضافہ ہوا ہے جبکہ متاثرہ افراد میں بھی 12 فیصد اضافہ ہو چکا ۔ایران چین کے بعدوہ ملک ہے جس کو کرونا وائرس نے سب سے زیاد متاثرہ کیا ہے۔ یہاں کرونا وائرس کے متاثرہ افراد کی تعداد میں تیزی کے ساتھ اضافہ ہو رہا ہے اور اب تک 8 ہزار 600 افراد خطرناک وائرس سے متاثر ہو چکے ہیں ۔ متاثر ہونے والوں اور وائرس سے ہلاک ہونےو الے افراد میں اہم شخصیات بھی شامل ہیں۔ایران کی 55 سالہ خاتون رکن پارلیمنٹ فاطمی رہبر کورونا وائرس کے باعث جاں بحق ہو چکی ہیں ، جاں بحق ہونے والوں کی تعداد 291 ہوگئی ہے ایران میں کورونا وائرس سے جاں بحق ہونے والی یہ دوسری سرکاری شخصیت ہیں، اس سے قبل ایرانی سپریم لیڈر خامنہ ای کے مشیر بھی کورونا وائرس سے جاں بحق ہوگئے تھے۔ممبر پارلیمنٹ کی ہلاکت اس بات کو ظاہر کرتی ہےکہ ایران میں کورونا وائرس تیزی سے سرکاری اداروں میں بھی پھیل رہا ہے۔ اے ایف پی کے مطابق 7مارچ کو ایران میں کورونا وائرس سے 21 ہلاکتیں رپورٹ ہوئی ۔جبکہ متاثرہ مریض 4500 سے زائد تھیں جن میں 23 رکن پارلیمنٹ بھی شامل ہیں۔ تاہم آج کے روز ایران میں کرونا جیسے خطرناک وائر س سے سب سے زیادہ ہلاکتیں سامنے آئیں ہیں ۔ جس سے تاثر ملتا ہے کہ ایران میں کرونا وائرس بے قابو ہو گیا ہے۔
