آپ کی جو نازیبا ویڈیوز آئیں تھیں وہ ۔۔۔ نقاب پوش خاتون نے رابی پیرزادہ سے رو رو کر معافی کیوں مانگی؟ تہلکہ خیز انکشاف

MH Kazmi November 5, 2019 1 min read

Women, in, hijab, apologized, from, Rabi pirzada,

لاہور (ویب ڈیسک) معروف گلوکارہ رابی پیرزادہ کی نازیبا اور غیراخلاقی ویڈیوز لیک ہوئیں تو انہوں نے اپنے ٹوئٹر اکاؤنٹ کے ذریعے لیک کرنے والوں کے نام ایک پیغام لکھا۔ انہوں نے اپنے مختصر پیغام میں لکھا کہ ‘جوبندہ دنیا میں کسی بندے کی پردہ پوشی کریگا اللہ عزوجل قیامت کے دن اس کی پردہ پوشی فرمائے گا’۔

اس کے اگلے روز رابی نے ایک اور ٹویٹ میں معافی مانگتے ہوئے لکھا کہ ‘مجھے اپنے ہونے پر افسوس ہے’۔ انہوں نے آج ایک اور ٹویٹ کی جس میں انہوں نے شوبز سے کنارہ کشی کا اعلان کرتے ہوئے اللہ سے اپنے گناہوں کی معافی مانگی اور یہ بھی دعا کی کہ اللہ میرے حق میں لوگوں کا دل نرم کرے۔ رابی پیرزادہ کی ان نازیبا ویڈیو سے متعلق ٹوئٹر پر ایک نقاب پوش خاتون کی ویڈیو بھی وائرل ہورہی جس میں اس خاتون کو رابی پیرزادہ سے رو رو کر معافی مانگتے دیکھا جاسکتا ہے۔ ویڈیو میں خاتون کو رابی پیرزادہ سے مخاطب ہوکر یہ کہتے سنا جاسکتا ہے جو آپ کی ویڈیوز وائرل ہوئی تھیں وہ میرے پاس بھی آئی تھیں، تاہم میں بھی انہیں آگے فارورڈ کرکے اس گناہ کی مرتکب ہوئی ہوں۔ نقاب پوش خاتون نے اپنی ویڈیو میں روتے ہوئے کہا کہ ان سے بہت بڑی غلطی ہوگئی ہے جس پر وہ رابی پیرزادہ سے معافی مانگتی ہیں۔ ویڈیو میں اس خاتون کو یہ کہتے سنا جاسکتا ہے کہ رابی پیرزادہ روز قیامت مجھ سے سوال نہ کرنا، مجھے معاف کردینا، میں نے لڑکی ہوکر ایسا کیا ہے، مجھے زیادہ معافی مانگنی چاہیئے۔ خاتون نے ویڈیو میں مزید کہا کہ دلی طور پر معافی مانگ رہی ہوں، مجھے پہلے احساس نہیں ہوا تھا لیکن اب احساس ہوا ہے کہ مجھ سے غلطی ہوئی ہے۔