لاہور (نیوز ڈیسک ) معروف صحافی عارف حمید بٹ کا کہنا ہے کہ جمعہ کو شہباز شریف کی ایک غیر ملکی شخصیت سے ملاقات ہوئی۔اس پر تبصرہ کرتے ہوئے معروف صحافی عمران یعقوب کا کہنا تھا کہ اس ایک ہفتے میں ان کی کسی ایک شخصیت سے نہیں بلکہ کئی شخصیات سے ملاقات ہوئی اور کافی معنی خیر ملاقاتیں ہوئیں۔عارف حمید بھٹی کا کہنا تھا کہ اس ملاقات کے بعد ہی شہباز شریف کے ٹیسٹ اچانک کلئیر آ گئے اور ڈاکٹر نے انہیں کہا کہ اب بھاگ کر پاکستان جا سکتے ہیں۔واضح رہے اپوزیشن لیڈر قومی اسمبلی شہباز شریف لندن میں 7ہفتے قیام کے بعد وطن واپس پہنچ گئے ہیں۔ کل صبح شہباز شریفکا طیارہ لاہور ہوئی اڈے پر لینڈ کرگیا۔ ن لیگی کارکنان اور رہنما شہباز شریفکے استقبال کے لیے لاہور ایئرپورٹ پر موجود تھے۔شہباز شریف نے استقبال کیلئے آنے والے پارٹی رہنماؤں سے مصافحہ کیا اور ہاتھ ہلا کر کارکنان کے نعروں کا جواب دیا۔جس کے بعد شہباز شریف کا قافلہ لاہورایئرپورٹ سے ان کی رہائش گاہ کی طرف روانہ ہوگیا۔ اس سے پہلے کارکنان اور ائیرپورٹ سکیورٹی اہلکاروں کے درمیان دھکم پیل بھی ہوئی جس کے بعد کارکنان ایئر پورٹ میں داخل ہو گئے۔ جس کے بعد پولیسکی مزید نفری اور واٹرکینن طلب کر لی اور سیکیورٹی مزید سخت کردی گئی۔ واضح رہے کہ شہباز شریف10 اپریل کو طبی معائنے کے لیے برطانیہ گئے تھے اور اب وہ پاکستان واپس پہنچ گئے ہیں۔شہباز شریف کی واپسی پر ترجمان مسلم لیگ ن مریم اورنگزیب نے کہا ہے کہ اب عمران خان کے لیے گھبرانے کا وقت ہے۔ انہوں نے کہا کہ شہبازشریف واپس آ گئے ہیں اور عمران خان پہاڑوں میں جا چھپے ہیں۔ مریم اورنگزیب نے کہا ہے کہشہباز شریف کا طیارہ لاہور میں اُتر گیا اورعمران خان کے گھبرانے کا وقت ہو گیا ہے۔ انہوں نے کہا کہ شہباز شریف کے آنے سے عمران خان پہاڑوں میں چھُپ گئے۔ ترجمان پاکستان تحریک انصاف عمر چیمہ نے کہا ہے کہ شہباز شریف وطن واپس تو آگئے ہیں اب یہ بتائیں کہ کرپشن کا حساب کب دیں گے؟ عمر چیمہ نے شہباز شریف کی بیماری کے بہانے لندن علاج کروانے جانے پر تنقید کرتے ہوئے کہا ہے کہ شہباز شریف اپنی بیماری کے پیچھے چھپنے کی کوشش نہ کریں۔
