لاہور: پی ٹی آئی کے سنئیر رہنما علیم خان کے ایک قریبی سیاسی رفیق نے دعوی کیا ہے کے مقتدر حلقوں نے ہمیں یقین دہانی کروا دی ہے کہ علیم خان جلد رہا ہو کے ہمارے ساتھ ہوں گے۔ اپنا نام ظاہر نہ کرنے کی شرط پر علیم خان کے متذکرہ قریبی رفیق نے دعوی کیا کہ مقتدر با اثر حلقوں نے نیب کی طرف سے علیم خان کے خلاف جھوٹے کیس بنانے کا شدید برا مناتے ہوے یہ کہا کہ نیب کو اپنے طرز عمل میں تبدیلی لانی ہو گی اور اس طرح شریف لوگوں کی پگڑیاں اچھالنے اور بے گناہ لوگوں کو گرفتار کرنے کا کوئی حق نہیں ہے اس لیے انہوں نے یقین دہانی کروا دی ہے کے اپ فکر نہ کریں علیم خان کا کیس بہت مضبوط ہے اور کورٹ سے ضمانت یقینی ہے اور بہت جلد علیم خان اپ کے ساتھ ہوں گے۔ اس ضمن میں علیم خان کے قریبی رفیق نے یہ بھی دعوی کیا ہے کہ نیب علیم خان کے خلاف کسی قسم کی کوئی بدعنوانی ثابت نہیں کر سکا اور نہ ہی کوی ایسے شواہد عدالت میں پیش کر سکا ہے کے جس وجہ سے انہیں مزید جیل میں رکھا جا سکے۔
علیم خان جلد رہا ہو جائیں گے, قریبی سیاسی رفیق کا دعوی
