سابق کپتان یونس کو فشنگ کاشوق بہت پرانا ہے اور اب اس شوق میں انہوں نے اپنے کپتان مصباح الحق کو بھی شامل کر لیا ہے ۔
مصباح الحق کی اہلیہ ان دنوں نیوزی لینڈ کے شہر نیلسن میں ہی موجود ہیں ، انہوں نے سوشل میڈیا پر فشنگ ٹائم کے ٹائٹل سے تصاویر پوسٹ کی ہیںجن میں وہ خود بھی دکھائی دے رہی ہیں۔
ہیڈ کوچ مکی آرتھر نے شارجہ ٹیسٹ کی شکست کے بعد کھلاڑیوں کی تھکاوٹ اورا کتاہٹ کی شکایت کرتے ہوئےکہا تھا کہ تازہ دم ہونے کے لئے فشنگ سے بہتر کوئی اور چیز نہیں ہو سکتی ۔
ٹیم کے سینئر کھلاڑی جن کی ٹیم کو مشکل ٹور میں سخت ضرورت ہےانہوں نے خود کو تازہ دم کرنے کے لئے فشنگ کی ،اس دوران انہوں نے مچھلیاں تو خوب پکڑلیں ، لیکن اب دیکھنا ہے کہ یہ مشکل ٹور ان کے لئے کتنا آسان ثابت ہوتا ہے ۔
