اسلام آباد (نیوز ڈیسک ) پاکستانی اداکارہ و میزبان جگن کاظم نے اپنی شادی کی چھٹی سالگرہ پر شوہر فیصل ایچ نقوی کے ساتھ بنائی گئی تصویر شئیر کر دی۔ جس کے بعد مداحواں کو انتظار ختم ہوگیا کیونکہ مداح جاننا چاہتے تھے کہ جگن کاظم نے کس کے شادی کر لی ہے۔ تفصیلات کے مطابق جگن کاظم نے 27جون 2013ء میں فیصل ایچ نقوی کے ساتھ دوسری شادی کر لی تھی، تاہم یہ شادی خفیہ طور پر کی گئی تھی اور مداحوں کو نہیں تھا پتہ کہ فیصل ایچ نقوی دراصل ہیں کون ، شادی کو 6سال مکمل ہونے پر جگن نے شوہر کے ساتھ بنائی گئی تصویر ٹویٹر پر شئیر کی ہے اور شادی کی سالگرہ پر شوہر کو مبارک باد دی ہے۔ خیال رہے کہ جگن کاظم کا اصل نام ”سیدہ مہربانو کاظم ہے“ مگر شوبز انڈسٹری میں ان کو جگن کاظم کے نام سے جانا پہچانا جاتا ہے۔ جگن پاکستان ٹی وی انڈسٹری میں خاصی مقبولیت رکھتی ہیں انہوں نے بے شمار ٹی وی سیریلز میں اداکاری کی۔ ٹی وی کے علاوہ انہوں نے کینیڈ ین اور پاکستانی فلموں میں بھی اپنی اداکاری کے جوہر دکھائے۔ اور اس وقت وہ پاکستان ٹیلی ویژن پر ”مارننگ ودھ جگن“ کے نام سے مارننگ شو کی میزبانی کے فرائض انجام دے رہی ہیں۔ جگن کاظم اور انکے شوہر کی تصویر آپ بھی دیکھیں :
