لاہور(ویب ڈیسک)نامور پاکستانی اداکارہ میرا نے کہا ہے کہ میرے سوشل میڈیا کاؤنٹس ہیک ہوگئے ہیں اور اس کے ساتھ ساتھ میرا یو ٹیوب چینل بھی بند ہوگیا ہے۔میرا نے کہا ہے کہ ان کی نئی فلم میں کیپٹن نوید ان کے ہیرو ہوں گے،اداکارہ میرا آج کل نیویارک میں ہیں اور
ایک بار پھر کیپٹن نوید کے ساتھ مختلف تقریبات میں دیکھی جارہی ہیں۔ میرا نے کہا کہ کیپٹن نوید میرے فیملی فرینڈ ہیں، اور میں آج کل امریکہ میں انہیں کے ساتھ ہوں۔انہوں نے کہا کہ کیپٹن نوید کے ساتھ اچھے دن گزار رہی ہوں، یہاں آنے کا ایک مقصد فلم ”ٹرائی اینگل لو“ بھی ہے جس کی تیاریوں میں مصروف ہوں، جس کے ہیرو کیپٹن نوید ہوں گے۔ انہوں نے کہا کہ امریکہ میں رہتے ہوئے میں نے انگریزی سیکھنے کے بعد کلاسیکل ڈانس کی کلاسز بھی لینا شروع کردی ہیں جس میں مزہ آرہا ہے۔، تربیت مکمل ہونے پر نیویارک میں ہی پرفارم کروں گی۔ انہوں نے کہا کہ امریکہ میں میرا دل لگ گیا ہے، انگریزی سیکھنے کے بعد کسی مشکل کا سامنا نہیں کرنا پڑ تا۔دوسری جانب ایک اور خبر کے مطابق گلوکارہ حمیرا ارشد نے کہا ہے کہ لوگ کسی کو دکھ دے کر کیوں خوش ہوتے ہیں،میری ہمیشہ کوشش ہوتی ہے کہ میری ذات سے کبھی کسی کو دکھ نہ پہنچے۔ہمارے ملک میں سوشل میڈیا کا استعمال انتہائی غلط طریقے سے کیا جا رہا ہے۔ سوشل میڈیا پر مجھ سے منسوب بہت سے جعلی اکاؤنٹس فعال ہیں اور بد قسمتی سے ان کو بند کرنے کیلئے ایف آئی اے کے پاس کوئی ٹھوس حکمت عملی نہیں ہے۔حمیرا ارشد نے کہا کہ اکثر جعلی اکاؤنٹس کی وجہ سے ذہنی اذیت کا سامناکرنا پڑتا ہے۔درخواست دینے کے باوجود منفی سر گرمیاں کرنے والوں کو گرفتار نہیں کیا گیا اور جب تک ایسے عناصر کو سخت ترین سزائیں نہیں ملیں گی اس طرح کے لوگ دیدہ دلیری سے ایسے ہی کام کرتے رہیں گے۔ انہوں نے کہا کہ ہیک کئے گئے۔اور جعلی اکاؤنٹس کے ذریعے ایسے ایسے نازیبا پیغامات بھیجے جاتے ہیں جو ناقابل بیان ہیں ۔
