پیرس(خصوصی نمائندہ)فرانس کے دورے پر آئے ہوئے وفاقی وزیر خزانہ اور مسلم لیگ اوورسیز کے سربراہ اسحاق ڈار کی پاکستانی ایمبیسی میں مسلم لیگ ن فرانس کے صدر چوہدری ریاض پاپا، سینئر نائب صدر راجہ منظور جنجوعہ، ایڈوائزری کونسل یورپ کے چیئرمین شمروزالہی گھمن اور ن لیگ فرانس کے نائب صدر حاجی مزمل حسین سے خصوصی ملاقات کی۔اسحاق ڈار نے کہا کہ فرانسیسی تھنک ٹینک اور سیاسی قیادت پاکستان کی معاشی ترقی کو قدر کی نگاہ سے دیکھتی ہے اور پاکستان میں معاشی اصلاحات اوردوستانہ سرمایہ کاری ماحول کی بنا پر فرنچ بزنس کمیونٹی سرمایہ کاری میں دلچسپی لے رہی ھے۔ انہوں کہا کہ دنیا بھر میں ن لیگی تنظیمیوں کو بہتر بنانے کیلئے خصوصی اقدامات کئے جائیں گے۔ ن لیگ کے کارکنان ھمارا سرمایہ ھیں۔ ن لیگ فرانس کے عہدیدار کو مخاطب کرتے ھوئے انہوں نے کہا کہ آپ کی فرانس میں پارٹی کیلئے خدمات قابل ستائش ھیں۔
