نوازشریف کی واپسی،حکومت نے دھماکہ خیزاعلان کردی
اسلام آباد(این این آئی)وزیر مملکت اطلاعات مریم اورنگزیب نے کہاہے کہ اب وہ ہوگا جو پاکستان کا جمہور چاہے گا،22کروڑ عوام چاہیں گے،سیاسی جماعتوں کے قائد سیاسی جماعتیں نامزد کریں گی،پیپلزپارٹی 1973کے آئین سے نکالی گئیں شقیں آج شامل کرانا چاہتی ہے گنتی کا راگ الاپنے والوں کو آج شکست ہوئی ہے۔میڈیا سے گفتگو کرتے ہوئے مریم اورنگزیب نے کہاکہ آج پاکستان کی جمہوریت مستحکم ہورہی ہے محمد نواز شریف کےخلاف سازشیں کرنے والوں کو شکست ہوئی۔وزیرمملکت نے کہاکہ محمد نواز شریف نے اپنے ہر دور حکومت میں ملک کی خدمت کی دشمن عناصر کی کٹھ پتلیوں کو سمجھ آگئی ہے کہ پاکستان میں جمہوری استحکام آ رہا ہے ۔انہوں نے کہاکہ پاکستان مسلم لیگ ن ایک گھر ہے ، مختلف رائے ضرور ہو سکتی ہے حمد نواز شریف کی قیادت میں مسلم لیگ ن آج مزید مضبوط اور مستحکم ہوئی ہے جس جماعت کا قائد محمد نواز شریف ہو اس جماعت کا عزم صرف پاکستان کی ترقی ہے ۔مریم اورنگزیب نے کہاکہ میڈیا کی مثبت آوازیں جمہوری نظام کو مستحکم کر رہی ہیںآمرانہ ادوار کی بھٹکتی ہوئی روحوں کا آج خاتمہ ہو گیا ہے جمہوری نظام کو کمزور کرنے والے کالے قوانین کی آئین میں کوئی گنجائش نہیں۔وزیرمملکت نے کہاکہ عمران خان پارلیمانی روایات کی پاسداری کی بجائے امپائر کی انگلی پر کھیلنے کے عادی ہیں عمران صاحب ایمپائر کی انگلی کا انتظار اور پارلیمنٹ پر حملہ کرتے ہیں خان صاحب محمد نواز شریف کے ڈر کی وجہ سے پارلیمنٹ میں نہیں آتے عمران صاحب الیکشن کمیشن میں پیش نہیں ہوتے، اداروں پر حملہ کرتے ہیں۔
