آپ نے ہر شادی پر دلہن تو دیکھی ہی ہوگی مگر دلہے کو دلہن جیسا عروسی جوڑا پہنے دیکھنا چاہتے ہیں تو یہ لنک کلک کریں، تصاویر آپ کو چونکا دیں گی

لندن(ویب ڈیسک) شادی پر دلہا دلہن عروسی لباس پہنتے ہیں مگر دونوں کے لباس الگ طرز کے ہوتے ہیں تاہم گزشتہ دنوں برطانیہ میں ایک دولہا نے بھی شادی میں اپنی دلہن جیسا لباس پہن کر لوگوں کو حیران کر دیا ہے۔ دی مرر کی معلومات کے مطابق یہ دولہا 52سالہ آئیان نیومین تھا جس کی 51سالہ ایما سپری کے ساتھ شادی ہو رہی تھی۔ ایما نے جس دکان سے اپنا عروسی جوڑا خریدا آئیان بھی وہیں چلا گیا اور ہوبہو ویسا ہی لباس اپنے لیے بھی خرید لایا۔ ایما کا کہنا تھا کہ ”مجھے آئیان کا میرے جیسا لباس پہننا بہت اچھا لگا۔ جب وہ دکان سے لے کر آیا تو اس نے مجھے پہن کر بھی دکھایا۔ تب تک میں سمجھ رہی تھی کہ شاید وہ مذاق کر رہا ہے لیکن جب شادی کے روز وہ واقعی وہی لباس پہن کر آ گیا تو مہمانوں کے ساتھ ساتھ مجھے بھی شدید حیرت ہوئی۔اس نے جوتے بھی میرے جوتوں کے ساتھ میچ کر رکھے تھے۔ وہ اس لباس میں بہت خوبصورت لگ رہا تھا۔ یہ پہلی بار نہیں ہوا کہ آئیان نے لباس میں میری نقل کی ہو۔ ہم کئی سالوں سے اکٹھے رہ رہے ہیں اور وہ ان سالوں میں کئی بار میرے جیسا لباس خرید کر پہن چکا ہے