قومی اساس کے محافظوں کیخلاف دشنام ترازی اور سازشیں کرنے والوں کو سینیٹ میں کھلی چھوٹ جبکہ عوامی نمائندوں پر قد غن بد ترین ناانصافی ہے، یاسر خان
پیرس(نمائندہ خصوصی) پاکستان تحریک انصاف فرانس کے سینئر راہنما یاسر خان نے کہا ہے کہ قومی اساز کے محافظ اداروں کیخلاف پانچ سال غلیظ ترین زبان استعمال کرنےو الے اب بھی سینیٹ اور قومی اسمبلی میں بے بنیاد پروپیگنڈے پر عمل پیرا ہیں۔ پاکستان تحریک انصاف کو قومی اوربین الاقوامی سطح پر سازشوں کے ساتھ ساتھ ان ملکی نام نہاد خادموں کی سازشوں کا بھی مقابلہ کرنا پڑ رہا ہے۔
سینٹ اور قومی اسمبلی میں ایک دوسرے کیخلاف بد ترین زبانیں استعمال کرنے والے آج مل کر پاکستان تحریک انصاف کو نشانہ بنا رہے ہیں اور ملک کی پہلی اعلیٰ سطح کی کریم حکومت میں آئی اور پڑھے لکھے لوگ وزیر بنے ہیں مگر حکومتی وزرا کو بدنام کرنے اور ان کو متنازعہ بنانے کیلئے دونوں بڑھ پارٹیاں گھائونی سازشیں کر رہی ہیں جو کہ بدترین ہے۔
