بارسلونا؍اسلام آباد( ایس ایم حسنین)پاکستان پیپلز پارٹی یورپ کے نائب صدر چوہدری ساجد گوندل نے کہا ہے کہ گھوٹکی میں شاندار فتح بلاشبہ بلاول بھٹو کا شاندار کارنامہ ہے ۔ انھوں نے کہا کہ بلاول بھٹو نے ناممکن کو ممکن کردکھایا، جس لیڈر کے والد پھوپھو سمیت تمام بڑے قید وبند کی صعوبتیں برداشت کر رہے ہیں اس نے الیکشن میں آمروں کی جماعت کو چاروں شانے چت کردیا،
پیپلز پارٹی نےناممکن کو ممکن بنا دیا پی ٹی آئ کی خالی کی ہوئ سیٹ این اے 205بھاری اکثریت سے جیت لی۔ یہ بلاو ل بھٹو کا پہلا الیکشن تھا جس کا ٹکٹ بھی خود دیا خود حکمت عملی بنائ مہم بھی خود چلائ اوراب آخری وقت تک پہرہ بھی دے رہے ہیں۔ تمام جمہوریت پسندوں کو بہترین کامیابی مبارک ہو۔
گھوٹکی میں آج پیپلزپارٹی کی فتح نہیں غریب عوام کی فتح ہوئی ہے جسکا اعتماد آج بھی بھٹو کی پارٹی اور بی بی کے لعل پر ہے، میں گھوٹکی میں شاندار کامیابی پر چیئرمین بلاول بھٹو زرداری، سردار محمد بخش مہر، گھوٹکی کی عوام اور تمام جیالوں کو مبارکباد پیش کرتا ہوں۔
