لاہور (ویب ڈیسک ) معروف سوشل میڈیا اسٹار شام ادریس نے گزشتہ سال نومبر میں اپنی دوست فروگی سے منگنی کی تھی اور اب دونوں رشتہ ازدواج سے منسلک ہوگئے ہیں۔یوٹیوب سے شہرت حاصل کرنے والے پاکستانی نژاد کینیڈین شام ادریس اور ان کی دوست فروگی پاکستان میں کافی مشہور ہیں جو کہ یوٹیوب اور فیس بک پر ویڈیو بلاگ اور پرمزاح ویڈیوز پوسٹ کرتے رہتے ہیں۔اب ان دونوں نے گزشتہ روز نکاح کرلیا جس کی ویڈیو بھی شیئر کی گئی، جو آپ نیچے دیکھ سکتے ہیں۔دلچسپ بات یہ ہے کہ فروگی نے ماضی میں شام ادریس کی جانب سے شادی کی پیشکش متعدد بار مسترد کی تھی مگر نومبر میں آخرکار انہوں نے ہامی بھرلی۔دونوں نے اس بات کا اعلان اپنے سوشل میڈیا اکاﺅنٹس پر کیا۔اس تقریب کا انعقاد گزشتہ شب ہوا جسے جوڑے نے منگنی کی باضابطہ تقریب قرار دیا، تاہم اس جوڑے نے نومبر میں اعلان کردیا تھا کہ ان کا نکاح 31 دسمبر کو ہوگا۔فروگی نے اپنے ٹوئیٹ میں جسٹ میریڈ سے بھی واضح کیا کہ یہ منگنی کی عام تقریب نہیں تھی۔اس تقریب میں جوڑے کے گھروالوں اور دوستوں نے شرکت کی۔دنیا بھر میں دونوں کے مداحوں نے اس خبر پر خوشی کا اظہار کیا اور ٹوئٹر پر متعدد پیغامات بھی تحریر کیے۔خیال رہے کہ فروگی کا اصل نام سحر ہے اور انہوں نے سوشل میڈیا پر تصویر شیئر کرتے ہوئے ہیش ٹیگ شام و سحر استعمال کیا۔شام ادریس کے یوٹیوب اکاؤنٹ کو 15 لاکھ سے زائد جبکہ انسٹاگرام پر 10 لاکھ سے زائد افراد فالو کررہے ہیں۔یاد رہے کہ شام ادریس مشہور کامیڈین زید علی کے بھی کافی اچھے دوست مانے جاتے ہیں۔
معروف سوشل میڈیا اسٹار شام ادریس رشتہ ازدواج میں منسلک ،ان کی شادی کہاں اور کس سے ہوئی
