اسلام آباد (مدثر اقبال کاظم، مانیٹرنگ ڈیسک) راولپنڈی کسٹم ایجنٹس ایسوسی ایشن کے گورننگ باڈی کے انتخابات کا اعلان کردیا گیا۔ اس موقع پر آر آئی سی اے اے کے سابق جنرل سیکرٹری اور سینئر ممبر اختر حسین بخاری نے یس اردو نیوز کے ساتھ خصوصی بات چیت کرتے ہوئے کہا ہے کہ آر آئی سی اے اے پہلے کی طرح متحرک کردار ادا کریگی۔ اس موقع پر جناب اختر حسین بخاری نے بلامقابلہ منتخب ہونےو الے عہدیداروں نائب صدر محمد کاشف، نائب صدر ائر پورٹ بابر اسد، جوائنٹ سیکرٹری ملک اعجاز، سینئر خزانچی نسیم علی، اورنائب صدر ائر پورٹ بابر اسد کو مبارکباد پیش کی ۔ جناب اختر حسین بخاری نے کہا کہ انتخابات سے بہترین باڈی بنائی جائیگی اوران لوگوں کو منتخب کیا جائے گا جو پہے سے بڑھ کر کام کرنے کی کوشش کریں گے اور اللہ تعالیٰ کے فضل و کرم سے کامیابی ہماری ہی ہوگی۔
جناب مدثر اقبال کاظم صاحب نے تمام عہدیداروں کا یس اردو نیوز سے تعارف کرایا اور انتخابات کے شیڈول کے متعلق بریف کیا۔ انہوں نےبلا مقابلہ منتخب ہونے والے امیدواروں کو مبارکباد پیش کی ۔ انہوں نے بتایا کہ متوقع طور پر 7اکتوبر کو پولنگ ہوگی اور اس میں نئی باڈی کیلئے مقابلہ کرنے والے امیدواروں کیلئے ووٹ ڈالے جائیں گے۔
