پیرس( ایس ایم حسنین) پاکستان پیپلز پارٹی فرانس کے سابق چیف آرگنائزر قاری فاروق احمد فارقی نے انتخابی مہم 2018 پر تبصرہ کرتے ہوئے کہا ہے کہ پیپلز پارٹی کے خاتمے کے دعویدار سیاسی دانشور اپنے من پسند سیاستدانوں کو کبھی بے نظیر شہید اور کھبی ذوالفقار علی بھٹو اور کبھی بیگم نصرت بھٹو کی حوصلہ مند قیادت کے ساتھ تشبیہ دیتے رہتے ہیں۔
یہ اللہ تعالیٰ کی قدرت ہے جو اس طرح بھی شہیدوں کی فتح کا اعلان کرتی ہے کیا کسی اور پارٹی نے کے کسی لیڈر نے اتنی شہادتیں دی ہیں جتنی پاکستان پیپلز پارٹی کی قیادت نے ہنستے ہوئے دی ہیں۔ شہیدوں کے خون کو زندہ رکھنا ہمارے شعور سے بالا اللہ پاک کے ہاتھ میں ہے اور وہی ہمیں استقامت عطا کیے ہوئے ہے ۔ ظلم کا نظام زیادہ دیر نہیں چلے گا۔ انشااللہ مظلوموں کی آواز پاکستان پیپلز پارٹی برسر اقتدار آئے گی اور غریب عوام کو شہیدوں کے بتائے ہوئے راستے پر چلتے ہوئے خوشحالی کا تحفہ دیگی۔
