لاہور(مانیٹرنگ ڈیسک ) صوبائی دارالحکومت لاہور میں 350 سے زائد فیڈر ٹرپ ہونے کے سبب متعدد علاقوں کو بجلی کی فراہمی معطل ہو گئی۔شہر کے مخلتف علاقوں میں کئی گھنٹوں سے بجلی کی فراپمی معطل ہے جس سے شہریوں کو شدید مشکلات کا سامنا کرنا پڑ رہا ہے۔فتح گڑھ، غاز آباد، کوٹ لکھپت۔ جوہر ٹاؤن۔ فیصلٹاؤن اور ڈی ایچ اےا سمیت کئی علاقے متاثر ہوئے ہیں،لیسکو حکام کے مطابق دھند کے سبب بجلی کی پیداوار میں کمی ہوئی۔گڈو، بھکی اور بلوکی پاور پلانٹ کی پیداور میں کمی آئی ہے جس کے سبب بریک ڈاؤن ہوا۔حکام کا کہنا ہے کہ آر ایل این جی کی فراہمی اور نہریں بند ہونے کے سبب پیدواری نظام متاثر ہوا ہے۔حکام کے مطابق لیسکو کا ترسیلی نظام ٹھیک ہے تاہم کمپنی کو طلب پوری کرنے کے لیے دو ہزار میگا واٹ بجلی درکار ہے لیکن رسد ایک ہزار میگا واٹ ہونے کے سبب لوڈ میجمنٹ کی جا رہی ہے۔جب کہ ہیسکو حکام کا کہنا ہے کہ بلوکی ، نشاد، چونیاں میں دھند کے باعث پاور پلانٹ بند ہو گئے جس وجہ سے 3 ہزار میگاواٹ تک شارف فال پیدا ہو گیا۔حکام کا کہنا ہے کہ پاور پلانٹ کی مرمت کے لیے امدادی ٹیمیں کام کر رہی ہیں بجلی کی فراہمی بحال کر دی جائے گی۔میڈیا رپورٹس میں مزید بتایا گیا ہے کہ ملک بھر میں بجلی کاشارٹ فال 4ہزار میگاواٹ سے تجاوز کر گیا۔لیسکو میں 800میگاواٹ کی قلت ہے۔لیسکو کی طلب 2200 جب کہ سپلائی 1400 میگا واٹ ہے۔رپورٹس میں بتایا گیا ہے لیسکو نے لوڈ شیڈنگ کا شیڈول جاری کر دیا جس کے مطابق اب لاہور میں ہر گھنٹے بعد ایک گھنٹہ لوڈ شیڈنگ ہو گی۔لیسکو کو شارٹ فال کی وجہ سے لوڈ مینج کرنے میں مشکلات کا سامنا کرنا پڑ رہا ہے۔
: بجلی کا بڑا شارٹ فال، ہر گھنٹے بعد کتنے گھنٹے کیلئے بجلی بند رہے گی
