بلاول بھٹو شہیدوں کا وارث اورنئی نسل کے پاکستانی راہنمائوں میں سب سے زیادہ شفاف اور بلند کردار کامالک ہے، نیئر بخاری
پاکستان میں جمہوریت کا آغاز ریاست کے آئین کے ذریعے ہوا جو شہید بھٹو کا تحفہ ہے، نیئر حسین بخاری
صرف نعرے نہیں بیلٹ باکس تک محنت کریں گے تو کامیابی ہوگی، نیئر بخاری
بارہ بارہ گھنٹے کام کر کے پاکستان پیپلز پارٹی کے چیئرمین بلاول بھٹو نے ایک ایک فیصلہ سوچ سمجھ کر کیا ہے، نیئر بخاری
سیاست میں محنت اور جفاکشی میں مریم نواز اور حمزہ شہباز، مونس الہی جیسے بلاول کی خاک کو بھی نہیں پہنچتے، نیئر بخاری
پاکستان پیپلز پارٹی کا احیائ ہوچکا ہے، نیئر بخاری
پاکستان پیپلز پارٹی کے جیالوں جیسے سیاسی ورکرز کسی جماعت کے پاس نہیں، عامر فدا پراچہ
پیپلز پارٹی کی جمہوریت کیلئے جدوجہد تمام پارٹیوں سے زیادہ ہے، عامر فدا پراچہ
پاکستان پیپلز پارٹی وعدوں نہیں کام سے عبارت ہے، چوہدری افتخار
ہماری جدوجہد شہیدوں کامشن جاری رکھنے کیلئے ہے، راحت کاظمی
جدوجہد کو عملی شکل دے کر ہی حقیقی کامیابی ممکن ہے، راحت کاظمی
عالم اسلام کی پہلی خاتون وزیر اعظم شہید محترمہ بے نطیر بھٹو کی 65 ویں سالگرہ کی تقریب زیر اہتمام سید راحت کاظمی ، میکا ل شادی ہال، اصغر مال روڈ، راولپنڈی
رپورٹ (سید معارف الحسنین ) پاکستان پیپلز پارٹی کے سیکرٹری جنرل نیئر حسین بخاری، ترجمان صدر پاکستان پیپلز پارٹی پارلیمنٹرین عامر فدا پراچہ، چوہدری افتخار،بلاول بھٹو فورس راولپنڈی ڈویژن وسٹی کے عہدیدار راجہ عمران ایڈووکیٹ، سید معارف الحسنین، شیخ فیاض، ملک حیدر، شیخ سہیل، شیخ ساجد ، چوہدری بنارس وغیرہ نے خصوصی شرکت کی اس کے علاوہ بڑی تعداد میں پاکستان پیپلز پارٹی کے جیالوں اور اہلیان علاقہ کی شرکت نے پاکستان پیپلز پارٹی کی بیداری کا اعلان کردیا۔
اس موقع پر سالگرہ تقریب سے خطاب کرتے ہوئے سیکرٹری جنرل پیپلز پارٹی سید نیئر حسین بخاری نے تمام عہدیداران اور کارکنوں کو محترمہ شہید کی سالگرہ کی مبارکباد دی اور کہا کہ بنیادی بات یہ ہے کہ جنہوں نے بھٹو شہید کو نہیں دیکھا ہے اور وہ پیپلز پارٹی کا نعرہ بھی لگاتے ہیں ان کو بتانا چاہیے کہ شہید بھٹو نے پی پی کی بنیاد کیوں رکھی۔ جبر کا زمانہ تھا۔ بنیادی حقوق میسر نہیں تھے آمریت مسلط تھے۔ اس وقت شہید بھٹو نے جمہوریت کا علم بلند کیا اور اسی راولپنڈی شہر نے ایک عام شہری مزدور کو پی پی کا ایم این اے منتخب کیا۔
انہوں نے کہا کہ بلاول بھٹو شہیدوں کا وارث اورنئی نسل کے پاکستانی راہنمائوں میں سب سے زیادہ شفاف اور بلند کردار کامالک ہے، پاکستان میں جمہوریت کا آغاز ریاست کے آئین کے ذریعے ہوا جو شہید بھٹو کا تحفہ ہے، صرف نعرے نہیں بیلٹ باکس تک محنت کریں گے تو کامیابی ہوگی، بارہ بارہ گھنٹے کام کر کے پاکستان پیپلز پارٹی کے چیئرمین بلاول بھٹو نے ایک ایک فیصلہ سوچ سمجھ کر کیا ہے سیاست میں محنت اور جفاکشی میں مریم نواز اور حمزہ شہباز، مونس الہی جیسے بلاول کی خاک کو بھی نہیں پہنچتے،
حالات بدلتے رہتے ہیں پڑوسی ملک میں کانگرس بہت مضبوط تھی ان کے لیڈر قتل ہوئے بی جے پی آگئی مگر پھر کانگرس کھڑی ہے۔ اسی طرح برطانیہ اور امریکہ میں دیکھ لیں پوری دنیا میں سیاسی پارٹیوں پر ایسے حالات آتے رہتے ہیں ۔ اس لئے ہم مایوس نہیں ہم بی بی شہید کے چاہنے والے ہیں جنہوں نے کہا تھا کہ مجھے کہا جارہا ہے کہ میں اپنا راستہ بدل لوں اور سیاست چھوڑ دوں اس لئے جو میرا ورکر زندگی چاہتا ہے جمہوری جدوجہد میں خطرہ محسوس کرتا ہے وہ ساتھ چھوڑ دے کیونکہ میں سربکف نکلی ہوں اور آخری سانس تک اپنی عوام کیلئے لڑوں گی۔
اس موقع پر ترجمان صدر پی پی پارلمنٹرین عامر فدا پراچہ نے بھی خطاب کیا اور کہا کہ پاکستنان پیپلز پارٹی سیاسی اداکاروں کے مقابلے میں فتح حاصلکریگی۔کیونکہ ہم عوام کے بل بوتے پر اقتدار میں آتے ہیں خفیہ راستوں اور رات کی تاریکیوں میں کسی سے نہیں ملتے۔ پاکستان پیپلز پارٹی کے جیالوں جیسے سیاسی ورکرز کسی جماعت کے پاس نہیں، پیپلز پارٹی کی جمہوریت کیلئے جدوجہد تمام پارٹیوں سے زیادہ ہے،
اس موقع پر سید راحت کاظمی نے سب مہمانوں کی آمد کا شکریہ ادا کیا اور کہا کہ جمہوری جدوجہد میں راولپنڈی کے عوام کو ساتھ لے کر چلیں گے اور پیپلز پارٹی شہیدوں کی پارٹی ہے اور کسی پارٹی نے جمہوریت کیلئے اتنی شہادتیں نہیں دی ہیں جتنی پاکستان پیپلزپارٹی نے دی ہیں۔ اس لئے ہم سب کو ساتھ لے کر چیں گے اور ہمیں چاہیے کہ شہیدوں کا مشن جاری وساری رہے کیونکہ یہی ہماری بقا ہے۔ اورزبانی نعرے نہیں جدوجہد کو عملی شکل دے کر ہی حقیقی کامیابی ممکن ہے۔ شہید بی بی کی سالگرہ نہ صرف پاکستان بلکہ پوری دنیا میں منائی گئی ہے۔اس لئے یہ اہم ترین دن ہے جس نے پاکستان پیپلز پارٹی اور پاکستانی عوام اور عالم اسلام کو ایک عظیم لیڈر سے نوازا ہے۔
https://youtu.be/eHbUUuagEVw
