اسلام آباد کی فیڈرل جوڈیشل اکیڈمی میں پاناما کیس کی تحقیقات کرنے والی جے آئی ٹی کا اجلاس جاری ہے،ارکان رپورٹ مرتب کرنے میں مصروف ہیں،جو 10جولائی کو سپریم کورٹ میں جمع کرائی جائے گی۔
شریف خاندان نے جے آئی ٹی میں اضافی دستاویزات جمع کرادیں ،جس میں العزیزیہ اسٹیل کمپنی جدہ کا 2کروڑ 6 لاکھ 30 ہزارسعودی ریال کی مالیت کا چیک بھی شامل ہے۔ ذرائع کے مطابق اضافی دستاویزات منی ٹریل کے ثبوت کے طور پر جمع کرائی گئی ہیں، اضافی دستاویزات میں العزیزیہ اسٹیل کمپنی جدہ کا ایک چیک بھی شامل ہے ، سعودی ہولانڈےبینک کےچیک پر 22 مارچ 2005 کی تاریخ درج ہے۔ دبئی میں الثانی خاندان سے بزنس پارٹنرشپ سے متعلق دستاویزات بھی شامل ہیں۔
