اسلام آباد (ویب ڈیسک ) وزیراعظم عمران خان نےاپنا خصوصی پیغام جاری کرتے ہوئے کہا ہے کہ ” ہمارے منشور کا ایک اور وعدہ پورا ہو گیا ہے ، اس بار کاروبار کرنے میں آسانی پیدا کرنے کا وعدہ پورا کر دیا ہے ۔
مائیکرو بلاگنگ ویب سائٹ ٹویٹر پر پیغام جاری کرتے ہوئے وزیراعظمعمران خان کا کہنا ہے پاکستان کی ورلڈ بینک ای او بی ڈی ریکنگ میں تاریخی بہتری دیکھنے ہوئی ہے ، گزشتہ دہائی میں پاکستان کی ریکنگ پچاس درجے گر گئی تھی لیکن اب یہ 28 درجے بہتر ہوئی ہے ، 136 ویں پوزیشن سے 108 ویں نمبر پر آ گئی ہے ۔“ عمران خان نے اپنے دوسرے پیغام میں یہ کہا تھا کہ میں حکومت میں موجود تمام افراد کو مبار ک باد دینا چاہتا ہوں جن کی کڑی محنت کے باعث یہ ممکن ہواہے لیکن ابھی بھی طویل سفر طے کرنا ہے ، انشاءاللہ 2020 کے آکر تک پاکستان سرمایہ کاری کے لئے سب سے بہترین ممالک میں شامل ہو گا۔ دوسری جانب ایک خبر کے مطابق امریکا نے پاکستان میں سیاحت کے شعبے میں 100 ملین ڈالر کی سرمایہ کاری کا اعلان کر دیا ہے۔تدصیلات کے مطابق وزیر کشمیر بلتستان علی امین گنڈا پور سے امریکی وفد کی ملاقات ہوئی ہے۔گورنر گلگت بتلتستان راجہ جلال اور وزیراعظم عمران خان کے معاون خصوصی افتخار درانی بھی ملاقات میں شریک تھے۔اس دوران امریکا نے پاکستان میں سیاحت کے شعبے میں 100 ملین ڈالر کی سرمایہ کاری کا اعلان کیا۔ اسکردو سمیت گلگت بلتستان کے مختلف علاقوں میں سیاحتی مراکز قائم کرنے کا فیصلہ کیا گیا ہے۔وفاقی وزیر علی امین گنڈا پور نے سرمایہ کاری کے ممکنہ مواقوں پر بریفنگ دی۔علی امین گنڈا پور نے کہا ہے کہ وفاقی حکومت نے سکردو ائیرپورٹ کو عالمی طرز پر قائم کرنے کا فیصلہ کیا ہے۔گلگت بکتستان کو آزاد کشمیر سے ملانے کے لیے ایشیشن بینک کی مدد سے شاہراہ تعمیر کریں گے۔
