لاہور(نمائندہ خصوصی)وزیرقانون پنجاب راناثناء اللہ خاں نے خبردار کیاہے کہ طاہرالقادری کی تحریک پرامن نہ ہوئی توقانون حرکت میں آئے گا،انہوں نے کہاکہ میرے استعفے کا ساڑھے چارسال سے مطالبہ کیا جارہا ہے۔ میڈیا رپورٹس کے وزیرقانون پنجاب نے طاہرالقادری کی 17جنوری سے شروع ہونے والی ملک گیرتحریک پراپنے ردعمل کا اظہار کرتے ہوئے کہا کہ طاہرالقادری کی تحریک پرامن نہ ہوئی توقانون حرکت میں آئے گا۔
طاہرالقادری کوپرامن احتجاج کی اجازت ہے۔ انہوں نے کہاکہ ا ستعفیٰ مانگنا طاہرالقادری کی عادت بن چکی ہے۔ میرے استعفے کا ساڑھے چارسال سے مطالبہ کیا جارہا ہے۔ سانحہ ماڈل ٹاؤن کے ورثاء کوانصاف دلانے کااستعفے سے کوئی تعلق نہیں ہے۔انصاف کیلئے عدالت میں جانا ہوگا۔ دوسری جانب ترجمان پنجاب حکومت نے کہاکہ حکومت کیخلاف احتجاجی تحریک 2012ء اور 2013ء سے چل رہی ہے۔واضح رہے عوامی تحریک نے حکومت کے خاتمے کیلئے 17جنوری سے ملک گیرتحریک کاآغاز کرنے کااعلان کردیا۔طاہرالقادری نے کہاکہ کل7جنوری کو ڈیڈلائن ختم ہوگئی لیکن استعفے دینے کامطالبہ پورانہیں ہوا۔اب بات صرف استعفے تک نہیں بلکہ پوری حکومت کاخاتمہ ہوگا۔حکمرانوں سے ایک ایک جرم کاحساب لیں گے۔
