واشنگٹن (ویب ڈیسک) عمران خان کے اقتدار میں آتے ہی دنیا بھر کے لوگ ان کے دیوانے ہو گئے ، ہالی ووڈ کے عظیم سپراسٹار آرنلڈ شوارزنیگر نے بات کرتے ہوئے کہا ہے کہ وہ جلد پاکستان کا دورہ کریں گے۔ ہالی ووڈ اداكار اور امریكی ریاست كیلی فورنیا كے سابق گورنر آرنلڈ شوار زنیگر نے پاكستان آنے كا وعدہ كیا ہے، اور اس بات كا انكشاف وزیراعظم كے مشیر برائے موسمیاتی تبدیلی ملک امین اسلم نے اپنے ایک ٹویٹ میں كیا۔ ملک امین اسلم جو كہ ماحولیاتی تبدیلی كے حوالے سے ہونے والی ’عالمی کانفرنس آف پارٹیز24‘ میں شركت كے لیے پولینڈ میں موجود ہیں جہاں انہوں نے اپنے ٹویٹر اكاؤنٹ پر ہالی ووڈ اداكارآرنلڈ شوار زنیگر كے ساتھ اپنی تصویر اپلوڈ كی اور لكھا كہ آرنلڈ شوار زنیگر موسمیاتی تبدیلیوں كے پاكستان پر منفی اثرات كے حوالے سے شعور اجاگر كرنے كے لیے پاكستان كا دورہ كریں گے۔ آرنلڈ شوار زنیگر پہلے بنیادی طور پر باڈی بلڈر کے طور پر مشہور ہوئے تاہم ہالی ووڈ میں اپنے غیرمعمولی کام کی وجہ سے عالمی شہرت حاصل کی جب کہ ٹرمنیٹر فلموں سے انہیں بہت مقبولیت ملی اس کے علاوہ پریڈیٹر، ٹرولائز، کونان دی باربیریئن بھی ان کی مشہور فلموں میں شامل ہیں۔ شوارزنیگر 2003 سے 2011 کے درمیان کیلی فورنیا کے گورنر بھی رہے اور اب وہ آب وہوا میں تبدیلی کے خلاف ایک مؤثر آواز بھی بن چکے ہیں۔
شوبز کی دنیا سے گرما گرم خبر : سلمیٰ ہایک کے بعد ہالی ووڈ کی کونسی عظیم شخصیت پاکستان آرہی ہے؟ نام جان کر آپ یقین نہیں کریں گے
