بھارت میں پاکستان مخالف جنونی انتہا پسند تنظیم شیو سینا کی دھمکیوں کے بعد دہلی میں ہونے والی پاکستانی گلوکار غلام علی کی میوزک البم لانچ کی تقریب منسوخ کر دی گئی۔
دلی: (یس اُردو) بھارت کے دارالحکومت دلی پر بھی اب انتہا پسندوں کا راج ہے ممبئی کے بعد اب دلی میں بھی ثقافتی تقاریب شیو سینا کے مرضی سے ہونے لگیں۔ فلم گھر واپسی کی میوزک لانچ دہلی رائل پلازہ میں ہونا تھی تاہم انتہا پسند تنظیم شیو سینا کی دھمکیوں کے بعد ہوٹل انتظامیہ نے پاکستانی گلوکار غلام علی کی میوزک لانچ تقریب منسوخ کر دی۔ فلم ڈائریکٹر صہیب الیاس کا کہنا ہے کہ پولیس اہلکاروں کی تعیناتی کے باوجود انتہا پسندوں کی جانب سے خطرہ موجود تھا اس لیے تقریب منسوخ کرنی پڑی۔ اس سے پہلے انیس جنوری کو بھی غلام علی کی میوزک تقریب شیو سینا کی دھمکیوں کے بعد کینسل کر دی گئی تھی۔
