لاہور (ویب ڈیسک) وفاقی وزیر فیصل واوڈا نے کہا ہے کہ چیئر مین سینیٹ کےخلاف تحریک عدم اعتماد این آر او لینے کی کوشش تھی ، اپوزیشن پارٹیوں کے پاس اب اپنا منہ دکھانے کیلئے کوئی جگہ نہیں بچی، مریم نواز دھوکے بازتھیں اور دھوکے باز ہیں،مریم نواز نے نظام انصاف کودھوکادیا۔دنیا نیوز کے پروگرام ”آن دا فرنٹ “ میں گفتگو کرتے ہوئے فیصل واوڈا نے کہا کہ اپوزیشن کی چیئر مین سینیٹ کیخلاف تحریک عدم اعتماد این آر او لینے کی کوشش تھی ، اپوزیشن پارٹیوں کے پاس اب اپنا منہ دکھانے کیلئے کوئی جگہ نہیں بچی ، مریم نواز دھوکے بازتھیں اور دھوکے باز ہیں،مریم نواز نے نظام انصاف کودھوکادیا۔انہوں نے کہا کہ جو سیاسی طالب علم ہوتاہے ، وہ صبر اور خبر پر نظر رکھتاہے اور میں صبر بھی رکھتا ہوں اورخبر بھی رکھتا ہوں۔فیصل واوڈانے کہا کہ جہاں ضمیر فروشی کی بات ہو وہاں عمران خان خفیہ رائے شماری کے خلاف ہیں۔ان کا کہنا تھا کہ مریم نواز پارٹی کی لیڈر ہی نہیں بلکہ نائب صدر بھی ہیں اور فیصلہ ان کا بھی آناہے ۔ جبکہ دوسری جانب ایک خبر کے مطابق چیئرمین سینیٹ صادق سنجرانی کے خلاف ووٹ دینے کے معاملے پر اپوزیشن کی اندرونی کہانی سامنے آگئی۔تفصیلات کے مطابق چیئرمین سینیٹ صادق سنجرانی کے خلاف تحریک عدم اعتماد میں مسلم لیگ ن کے دو گروپ کھل کر سامنے آگئے ہیں، ن لیگ کا ایک دھڑا حاصل بزنجو کی حمایت میں نہیں تھا۔ذرائع کا کہنا ہے کہ اپوزیشن کے کئی سینیٹرز پارٹی قیادت سے نالاں تھے، اپوزیشن سے منحرف ارکان ایک دوسرے سے رابطوں میں تھے۔نمائندہ اے آر وائی نیوز زاہد مشوانی کے مطابق اپوزیشن کے اجلاسوں میں بھی اپنے سینیٹرز پر شک کیا جاتا رہا اور پیپلزپارٹی کے بعض سینیٹرز نے بھی ووٹ پول کیا۔اپوزیشن کے بعض سینیٹرز نے چیئرمین سینیٹ صادق سنجرانی کے خلاف ہونے والی ووٹنگ میں جان بوجھ کر اپنے ووٹ ضائع کیے۔تحریک عدم اعتماد میں ناکامی پر پیپلزپارٹی کے سینیٹرز نے اپنے استعفے پارٹی قیادت کو بھیج دئیے ہیں، پیپلزپارٹی سینیٹرز کے استعفے بلاول بھٹو کو موصول ہوگئے ہیں۔
