حضرت عیسیٰ ؑ نے محبت درگزر اور بھائی چارے کا سبق دیا، ان اقدار کی ضرورت جتنی اب ہے پہلے کبھی نہیں تھی، آصف علی زرداری
اسلام آباد(یس اردو نیوز)سابق صدر پاکستان اور پاکستان پیپلز پارٹی کے صدر آصف علی زرداری نے کرسمس کے موقع پر مسیحی برادری کو مبارکباد پیش کی ہے۔ اپنے تہنیتی پیغام میں انہوں نے کہا کہ وہ دنیا بھر اور پاکستان کے مسیحی بھائیوں کو کرسمس کے موقع پر مبارکباد پیش کرتے ہیں۔ حضرت عیسیٰ نے محبت، درگزر اور بھائی چارے کا سبق دیا اور یہ وہ اقدار ہیں جنہیں آج ہمیں اپنی زدگیوں میں شامل کرنے کی جتنی ضرورت ہے وہ پہلے کبھی نہیں تھی۔ انہوں نے کہا کہ اس موقع پر مذہبی بنیادوں پر بنائے گئے چند قوانین کے غلط استعمال کے واقعات کی شدید مذمت کرتے ہیں ۔ پارٹی اپنے اس عزم کا اعادہ کرتی ہے کہ مسیحیوں اور تمام غیرمسلموں کے خلاف ہر قسم کے امتیاز سے انہیں تحفظ دے گی اور ان کے خلاف مذہبی بنیادوں پر بنائے ہوئے قوانین کے غلط استعمال سے انہیں تحفظ دے گی۔ پاکستان پیپلزپارٹی اس بات کا اعتراف کرتی ہے کہ مذہبی برادری نے ملک کی ترقی اور خوشحالی میں گرانقدر خدمات انجام دی ہیں اور پارٹی مسیحی برادری کو نہایت قدر کی نگاہ سے دیکھتی ہ
