اسلام آباد: ( ویب ڈیسک) ترک صدر طیب اردگان 24 اکتوبر کو پاکستان کا دورہ کرینگے، ترک صدر کا دورہ پاکستان 2 روزہ ہو گا۔سفارتی ذرائع کے مطابق طیب اردگان نے وزیر اعظم عمران خان کی دعوت قبول کر لی، عمران خان نے جنرل اسمبلی اجلاس کی سائیڈ لائنز پر دورے کی دعوت دیترک صدر کے دورہ پاکستان کی تفصیلات آئندہ ہفتے تک طے کر لی جائیں گی، ترک صدر کیساتھ سرمایہ کاروں کا بڑا وفد بھی پاکستان آئے گاجس سے پاکستان میں تحر یک انصاف حکومت کی جانب سے اندرونی اوربیرونی سرمایہ کاروں کےلئے تیار کردہ آسان شرائط پر سرمایہ کاری ترک سرمایہ کار سے فائدہ اٹھا سکتے ہیں۔ دوسری جانب ایک اور خبر کے مطابقلندن: برطانوی اخبار کے مطابق عمران خان کے ایک سالہ دور اقتدار میں پاکستان عالمی پلیئر کے طورپر سامنے آیا ہے. تفصیلات کے مطابق برطانوی اخبار انڈیپینڈنٹ نے پاکستان کے عالمی سطح پر کردار کا تجزیہ کرتا ہوئے وزیر اعظم کو سراہا ہے. تجزیے کے مطابق پاکستان کو ورثے میں نامساعد حالات اورابتر معاشی صورت حال ملی، تنقید کے باوجود عمران خان ملک کو آگے لے جانے میں کامیاب نظرآتے ہیں. اخبار کے مطابق ملک کی تقدیربدلنے کے لئے عمران خان نے کئی اقدامات کیے، وہ ان اقدامات پر تنقید کے بجائے تعریف کے مستحق ہیں، ایک سال میں پاکستان عالمی پلیئرکے طور پرسامنے آگیا. عمران خان نےخود کو احتساب کے لئے پیش کرکے اعتماد جیتا، عالمی رہنماؤں کو واضح پیغام دیا گیا کہ پاکستان کسی سے پیچھے نہیں. تجزیے کے مطابق ابتر معیشت کوبہتری کی جانب گامزن کرنےکے لئے سخت اقدامات اٹھانا پڑے، سخت فیصلوں کے باعث عمران خان کو تنقید کا بھی سامنا کرنا پڑا. یاد رہے کہ اس وقت وزیر اعظم عمران خان امریکا میں موجود ہیں، جہا ں انھوں نے امریکی صدر سمیت کئی اہم سربراہان سے ملاقات کی ہے۔وزیر اعظم کل بہ روز جمعہ جنرل اسمبلی میں خطاب کریں گے۔ توقع کی جارہی ہے کہ وہ مسئلہ کشمیر موثر انداز میں دنیا کے سامنے پیش کریں گے۔
