مصری سیکیورٹی فورسز کے ساتھ مسلح جھڑپوں میں داعش کے 6 جنگجو ہلاک ہوگئے۔
مصری وزارت داخلہ کے مطابق یہ جھڑپیں صوبہ اسیوط کا ديروط نامی ٹاؤن میں اس وقت ہوئی جب سیکیورٹی فورسز نے خفیہ اطلاع پر ایک رہائشی عمارت کو محاصرے میں لے لیا تھا۔ محاصرے کے بعد شدت پسندوں نے پولیس پر فائرنگ شروع کردی، جوابی فائرنگ سے تمام 6 شدت پسند ہلاک ہوگئے۔ مزید بتایا گیا ہے کہ شدت پسندوں کا تعلق داعش تنظیم سے ہے اور ان کے قبضے سے بھاری مقدار میں اسلحہ، دستی بم اور خودکش جیکٹیں برآمد ہوئی ہیں۔
