پیرس ( علی اشفاق سے )
سینئر راہنما پی ٹی آئی فرانس اکرام اللہ رانجھا نے ممتاز سیاسی و سماجی شخصیت وائس چئیرمین پی ٹی آئی فرانس شیخ نعمت اللہ کے اعزاز میں عشائیہ دیا۔ شیخ نعمت اللہ گزشتہ ہفتے عمرہ کی سعادت حاصل کرنے کے بعد واپس فرانس پہنچے تھے۔ اکرام اللہ رانجھا نے کہا کہ شیخ نعمت اللہ ہمارے بھائی ہیں اور پی ٹی آئی کے مخلص راہنما ہیں ۔ اکرام اللہ رانجھا کے عشائیہ میں شیخ نعمت اللہ ، یاسر خان ، صاحبزادہ عتیق الرحمن ، پرویز چوہدری ، اشفاق چوہدری اور علی اشفاق نے شرکت کی۔
اس موقع پر گفتگو کرتے ہوئے وائس چئیرمین شیخ نعمت اللہ نے کہا کہ پی ٹی آئی فرانس کے سینئر دوستوں کے پر زور اصرار پر میں نے فرانس پی ٹی آئی کے آئیندہ الیکشن میں صدر کا الیکشن لڑنے کا فیصلہ کیا ہے۔ پی ٹی آئی کے دوستوں سے مشاورت جاری ہے۔ اور دوستوں کے تعاون سے ان شاء اللہ پارٹی کی بہتری کے لئے اپنا پینل اناؤنس کریں گے ۔ اس موقع پر سینئر راہنماؤں نے شیخ نعمت اللہ کو اپنی حمایت کا یقین دلایا۔
