کراچی (یس ڈیسک) کراچی میں جماعت الدعوہ کے تحت حرمت رسول صلی اللہ علیہ وآلہ وسلم مارچ کا انعقاد کیا گیا۔ امیر جماعت الدعوہ حافظ سعید احمد کا کہنا تھا کہ سارے مغربی ممالک ملکر گستاخا نہ عمل کررہے ہیں۔ ہمیں اب ان کی مصنوعات کا بائیکاٹ کرنا ہوگا۔ خواتین اور مردوں کو ملکر عہد کریں کہ وہ فرانس کی منصوناعات کو اپنے گھر نہیں آنے دیں گے۔
جماعت الدعوہ کے زیراہتمام یونیورسٹی روڈ سفاری پارک سے گستاخانہ خاکوں کی اشاعت کے خلاف شاہراہ قائدین تک ریلی نکالی گئی۔جماعت الدعوہ کے سربراہ حافظ سعید نے اپنے خطاب میں کہا کہ دنیا کی سب سے بڑی دہشت گردی نبی کریم صلی اللہ علیہ وآلہ وسلم کے خاکے شائع کرنا ہیں۔
انہوں نے کہا کہ اقوام متحدہ اور سیکیورٹی کونسل اگر اس عمل کے خلاف قانون سازی نہیں کرسکتی تو نواز شریف اقوام متحدہ سے علیحدگی کا اعلان کریں۔ حافظ سعید کا کہنا تھا کہ امریکہ نےلاکھوں مسلمانوں کا قتل کیاجبکہ امریکی صدر اوباما کا دورہ بھارت پاکستان کے خلاف ہے۔
اگر یورپی یونین ہو سکتی ہے تو مسلمان ممالک کی اپنی یونین، کرنسی اور افواج بھی ہونی چاہیئے ساتھ ہی فرانس سمیت تمام گستاخ ممالک کا معاشی بائیکاٹ کیا جائے۔ حرمت رسول صلی اللہ علیہ وآلہ وسلم مارچ سے دیگر سیاسی اور مذہبی جماعتوں کے مقررین نے بھی گستاخانہ خاکوں پر مذمت کا اظہار کیا۔
