اسلام آباد؍پیرس( ایس ایم حسنین) الیکشن 2018 کی سب سے پہلی کامیابی شہید بھٹو کے نام رہی، پیپلز پارٹی کے شبیر بجارانی کو بلامقابلہ منتخب ہونے پرچیئرمین بلاول بھٹو، جناب آصف زرداری اور تمام جیالوں کو دلی مبارکباد پیش کرتے ہیں۔
شبیر بجارانی کی خبر سنتے ہی پاکستان پیپلز پارٹی فرانس کے صدر چوہدری محمد رزاق نے یس اردو نیوز کے آفس فون کیا اور اپنا تہنیتی پیغام ریکارڈ کراتے ہوئے کہا کہ شہیدوں کی پارٹی کو ایسے ہی اللہ تعالیٰ اور اسکے رسول ﷺ کامیابی عنائت کرتے ہیں۔ پارٹی کی تباہی کے اشارے دینے والوں کو اب بھی شرم سے ڈوب مرنا چاہیے۔
الیکشن 2018 : شبیر بجارانی بلا مقابلہ کامیاب ,الیکشن 2018ء کے پہلے ایم پی اے، شبیر بجارانی بلا مقابلہ کامیاب ہوگئے۔
پاکستان پیپلزپارٹی کے شبیر بجارانی بلا مقابلہ رکن سندھ اسمبلی کامیاب ہوگئے، الیکشن کمیشن نے پہلے کامیاب امیدوار کا نوٹیفکیشن جاری کر دیا، شبیر بجارانی پی ایس 6 سے پیپلزپارٹی کے امیدوار تھے۔ بجارانی خاندان 48 سال سے پیپلز پارٹی کے ساتھ ہے۔ الیکشن کمیشن نے شبیر علی بجارانی کی کامیابی کا نوٹیفیکیشن جاری کر دیا ہے۔
