پیپلز پارٹی فرانس کے نو منتخب صدر چوہدری محمد رزاق ڈھل بنگش کی پیرس کے ذائقہ ریسٹورنٹ میں پریس کانفرنس اور پی پی فرانس کے نو منتخب عہدیداروں کے اعزاز میں پرتکلف عشائیہ کا اہتمام
اس موقع پر سید کفایت نقوی, محترمہ روحی بانو , رانا محمد یاسین آف ساہیوال, اور پاکستان پیپلز پارٹی اور دیگر سیاسی سماجی شخصیات نے بھر پور شرکت کی. تفصیلات کے مطابق پاکستان پیپلزپارٹی فرانس کے نومنتخب صدر چوہدری رزاق ڈھل کی قیادت میں پاکستان پیپلز پارٹی فرانس کے نو منتخب عہدیداروں کے اعزاز میں پر تکلف تقریب کا انعقاد کیا گیا جو کہ بعد میں جلسے میں تبدیل ہوگئی ، پیپلزپارٹی فرانس کی تمام سئنیر قیادت نے بھرپور شرکت کی ۔تقریب کا اہتمام پیرس کے معروف ذائقہ ریسٹورنٹ میں کیا گیا تھا۔ تقریب میں شرکا اور کارکن بہت پرجوش نظر آئے اس دوران محفل پارٹی گیتوں سے گل گلزار بن گئی۔ تمام کارکنوں پارٹی گیتوں پر جھوم اٹھے اور ہال جیو بھٹو کے نعروں سے گونج اٹھا۔ اس موقع پر نومنتخب نائب صدر سید کفایت حسین نقوی کاکہنا تھا کہ مخالفین نے ذاتی مسائل کو سڑکوں پرلاکر زیادتی کی،اگر ہمت ہے تو فرانس میں الیکشن لڑ لیں ضمانت تک ضبط ہوجائے گی، نو منتخب صدر چوہدری محمد رزاق ڈھل فرانس سے ایم پی اے کاالیکشن بھی لڑیں تو بھاری اکثریت سے جیت جائیں،انہوں نے کہا کہ ہماری کوشش ہے کہ مخالفین کے ساتھ میٹنگ کریں اور انہیں ساتھ لیکر چلیں،انہوں نے مخالفین کوآڑے ہاتھوں لیتے ہوئے کہا کہ رزاق ڈھل کی پارٹی کیلئے کی جانیوالی خدمات قابل تعریف ہیں کسی کو شک ہے تو ان کے مقابلے میں انتخاب لڑ لے دودھ کا دودھ اور پانی کا پانی ہو جائے گا۔
